آمریکالیک کوچلر کابل قونلغه‌سیدن چیققن بیرحالده، طالبان گروهی بو قونلغه نینگ بوتونلی نظارت گه آلگن.
طالبان گروهی سوزلاوچیسی ذبیح‌الله مجاهد و مذکور گروه نینگ باشقه اعضالری کابل قونلغه‌‌سیده حضور تاپیب ایتیش‌لریچه، آمریکا افغانستان ده مغلوب بولدی و مذکور مملکت حربی‌لری نینگ چیقیشی، آمریکا نینگ افغانستان ده حربی مقصدلریگه ایریشمه‌گنی نی کورسته‌دی.
شونینگدیک طالبان گروهی سوزلاوچیسی نینگ ایتیشیچه، آمریکا نینگ افغانستان ده مغلوب بولگنی، افغانستان توپراغی گه تجاوز قیلیش اوچون قصد قیلگن کیشیلرگه عبرت بولیشی کیره‌ک.
بیزلرنینگ فیسبوک صحیفه‌میزگه باش اورینگ!
جناب مجاهد نینگ ایتیشیچه، آمریکا افغانستان ده حربی یولدن مغلوب بولگن بیرحالده، بیراق قطار کیشیلر مذکور مملکت نی اشغال قیلیش گه نیت قیلگن.
جناب مجاهد نینگ ایتیشیچه، آمریکا حربی یولدن افغانستان ده مغلوب بولگن، بیراق اسلامی امارت آمریکا و دنیا بیلن یخشی و دیپلماتیک علاقه قوریش نی ایسته‌یدی.
گرچند آمریکالیک حربیلر ۳۱- آگوست گه افغانستان دن چیقیش گه قرار قیلگن ایدی، بیراق مذکور مملکت حربی‌لری تعیین ایتیلگن زمان دن بیر کون آلدین، افغانستان نی ترک قیلدی. آمریکا هوایی کوچلر اعضاسی کریس دوناهو کیچه ساعت ۱۲ ده افغانستان نی آمریکا مقصدی گه ترک قیلگن بو مملکت نینگ سونگی عسکری دیر.
آمریکا مرکزی قومندانلیک مرکز قومندانی جنرال مک‌کنزی خبری بیر ییغین یولگه قوییب ایتیشیچه، آمریکا حربی‌لری نینگ افغانستان دن چیقیش پروسه‌سی یکونلنگن، بیراق کوپنیچه کیشیلر اوزلرینی قونلغه گه ییتیشتیره آلمه‌ی و اولر افغانستان دن چیقه آلمه‌گن.
شونده‌ی بیرحالده، آمریکالیک حربیلرنینگ افغانستان دن چیقیشی بیلن کابل شهری نینگ تورلی منطقه‌لری طالبان جنگریلری تامانیدن خرسندلیک اوق آتیلیشی گه شاهد ایدی.
