ترکیه جمهور رئیسی رجب طیب اردوغان نینگ ایتیشیچه، آگست آیی اداغیده خلق ارا کوچلر افغانستاندن چیقگنیدن سونگ، کابل خلق ارا هوا قونالغه‌سی نینگ فعال ایتیلیشی خصوصیده طالبان گه یاردم بیریش اوشبو گروه بیلن یوزمه‌یوز سوزلشوولری ممکن.
ترکیه جمهور رئیسی نینگ ایتیشیچه، طالبان گروهی اوشبو مملکتدن کابل هوا قونالغه‌سی نینگ فنی بولیمیده یاردم بیریشی‌نی سوره‌گن و اونینگ خوفسیزلیگی‌نی تامین‌لش مسوولیتی‌نی طالبان گروهی بوینیگه آلیشی ممکن. رجب طیب اردوغان گه کوره، بوتوغریده قرار آلینگن ایمس و سوزلشوولرنی دوامی بار.
کابل، طالبان قولیگه سقوط قیلگنیدن سونگ، ترکیه جمهور رئیسی رجب طیب اردوغان اوشبو مملکت سی‌ان‌ان تلویزیونی بیلن اوتکزگن صحبتیده طالبان رهبری بیلن اوچره‌شووی ممکن‌لیگی‌نی بیلدیرگن ایدی.
بوندن آلدین هم ترکیه دولتی کابل هوا قونالغه‌سی خوفسیزلیگی‌نی تامین‌لشگه تیارگرلیک کورستگن ایدی. طالبان نینگ ایتیشیچه، ترکیه بیلن یخشی رابطه قوریش‌نی ایسته‌یدی؛ لیکن ترکیه نینگ حربی حضورینی ایستمه‌یدیلر.
