ترکیه آناتولی کونده‌لیگی تامانیدن نشر ایتیلگن گزارش‌گه کوره، اوشبو مملکت مدافعه وزیری خلوصی آکار، افغانستاندهگی بوتون حربی‌لرینی چیقاریلیشیدن خبر بیرگن. ترکیه مدافعه وزیری نینگ ایتیشیچه، ترکیه حکومتی اوشبو مملکت حربی‌لرینی افغانستاندن چیقاریشی خصوصیده قرار قیلگن.
ترکیه مدافعه وزیری نینگ کوپه‌یتیریشیچه، اوشبو مملکت حربی‌لرینی کابل هوا قونالغه‌سیدن چیقاریش جریانی منظم شکلده دوام قیلماقده.
بوندن آلدین ترکیه کابل هوا قونالغه‌سی نینگ خوفسیزلیک مسوولیتی‌نی بوینیگه آلیش‌گه قرار قیلگن ایدی، بیراق حکومت طالبان قولیگه سقوط قیلگنیدن سونگ، ترکیه هم بوتوغریده بولگن قرارینی اوزگرتیرگن.
عین‌حالده، رویترز کونده‌لیگی نینگ ترکیه ایکی رسمی سیدن نقل قیلیب ایتیشیچه، طالبان گروهی ترکیه دولتیدن آکست آیی نینگ اداغیگچه بوتون حربی‌لرینی افغانستاندن چیقاریشی‌نی سوره‌گن.
لیکن، طالبان گروهی، ترکیه دولتیدن کابل هوا قونالغه‌سی نینگ ایش‌لرینی ایلگری آلیب باریش اوچون چیت‌ایللیکلر چیقگنیدن سونگ، فنی یاردم‌لرینی فراهم قیلیشی‌نی ایسته‌گن.
