انسان حقلری نی کوزهتووچی تشکیلاتی نینگ اعلام قیلیشیچه، طالبان گروهی خبرچیلر و رسانه ایشلاوچیلری جملهدن عیاللرنی قصدی شکلده هدف قرار بیریشهدی.
بوگون (پنجشنبه ۱۲- حمل) انسان حقلری نی کوزهتووچی تشکیلاتی تامانیدن نشر قیلینگن ینگی گزارش ده کیلیشیچه، دوحهده افغانستانلیکلرارا تینچلیک سوزلشوولری باشلنگنیدن کیین افغانستان بویلب خبرچیلرگه قرشی هجوملر کوپهیگن و بو ایش تینچلیک پروسهسیده سوز ایرکینلیگی و رسانه ایرکینلیگی سقلهنیشی توغریسیده خواطرلرنی کوپهیتیرگن.
انسان حقلری نی کوزهتووچی تشکیلات نینگ ایتیشیچه، بو نهاد نینگ گزارشی اساسیده، طالبان جنگریلری و قومندانلری نظارتلریدهگی منطقه و شونینگدیک کابل ده افغانستان رسانه اجتماعی برابریده تورلی تهدید و زوروانلیکدن قوللنگن.
مذکور نهاد نینگ کوپهیتیریشیچه، بو تهدیدلرنی عمل گه آشیرهدیگن کیشیلر خبرچیلرنینگ ایش ییری، عایلهسی و اولرنینگ کیتیب-کیلهدیگن یوللریدن ییترلیچه معلوماتی بار و بو معلومات دن قوللهنیش بیلن اولرنینگ ایش نی قوییب یوباریش و اوز سانسورلیککه زورلنتیرهدی و بعضن هم خبرچیلر اوچون جدی زوروانلیکلر هم یوزبیرگن.
انسان حقلری نی کوزهتووچی تشکیلات نینگ ایتیشیچه: «طالبان قومندانلری و جنگریلری تومنلرده نظارتلریدن تشقری خبرچیلرنی شفاهی و کتبی شکلده تهدید قیلیشهدی.»
مذکور نهاد خبرچیلردن نقل قیلیب ایتیشیچه، تهدیدلر کوپهیشی رسانه ایشلاوچیلریدن هیچ بیری خوفسیزلیک احساس قیلمهیشی معناسیگه کیلهدی.
انسان حقلری نی کوزهتووچی تشکیلات نینگ ایتیشیچه، مذکور گزارش افغانستان ده میلادی ۲۰۲۰- ییل نوامبر آییدن میلادی ۲۰۲۱- ییل مارچ آیی گچه ۴۶ رسانه ایشلاوچیسی بیلن صحبت اوتکزیب تیارلنگن و بو معلومات اولرگه ضرر ییتیشتیرگن تهدیدلر و شونینگدیک اولرنینگ ایش شرایطی دن توپلنگن.
اوشبو نهاد گه کوره، مذکور ۴۶ خبرچی دن ۴ تهسی امنیتی تهدیدلر باعث افغانستان نی ترک قیلگن.
انسان حقلری نی کوزهتووچی تشکیلات نینگ آسیا بولیمی مسئولی پاتریشیا گاسمن نینگ ایتیشیچه، «برچه تامانلر کیلهجک افغانستان ده سوز ایرکینلیگیدن حمایت قیلیش اوچون سوزلهیدیگن بیر حالده، تهدیدلر و اولدیریشلر بوندهی خوفلی بیر لحظه ده افغانستان رسانهلریگه ناخوش پیام یوبارگن.»
انسان حقلری نی کوزهتووچی تشکیلاتی نینگ گزارشی نی بیر بولیمیده کیلیشیچه، طالبان رهبرلری دوحهده مذکور گروه آدملری آرقهلی خبرچیلر تهدید ایتیلیشی نی رد قیلگن، بیراق اولرنینگ ایتیشلریچه، یالغیز اسلامی ارزشلرگه حرمت قیلهدیگن خبرچیلر اولرنینگ دردی گه تیگهدی.
طالبان حاضرگچه بو گزارش گه عکسالعمل کورستمهگن، بیراق مذکور گروه خبرچیلر و مدنی فعاللرنینگ اولیمی گه قوللری بارلیگی نی هر دایم رد قیلگن.
بوندن آلدین افغانستان رسانهلریدن حمایت قیلووچی نهادلر، اوتگن بیر ییل جریانیده ۱۱ خبرچی هلاک و باشقه ۵۰ خبرچی مملکت نی ترک قیلگنیدن گزارش بیرگن ایدی.