آمریکا تشقی ایشلر وزیرلیگی افغانستان ده انسان حقلری توغریسیده ییل‌لیک گزارشی نی ترقه‌تیش بیلن میلادی ۲۰۲۰- ییل ده افغانستان ده انسان حقلری نینگ مواردلریدن کوپینچه‌سی نقض ایتیلگنیدن خبر بیریب ایتیشیچه، حکومت مقام‌لرنینگ سوءاستعمال نی تیکشیریش توغریسیده تأثیرلی و ییترلیچه اقدام قیلمه‌گن.
گزارش ده کیلیشیچه، قانون حاکمیتی گه توجه قیلمه‌سلیک و انسان حقلری ناقض‌لری جزالنتیریلیشی نینگ مصونیتی ۲۰۲۰- ییلده‌گی جدی قیینچلیک‌لردن ایکن. مذکور گزارش اساسیده، دولت دواملی و تأثیرلی شکلده مقامات جمله‌دن امنیتی کوچلرنینگ سوءاستعمالی نی تحقیق و تعقیب قیلمه‌گن.
بیراق حکومت مذکور گزارش نی رد قیلیب ایتیشیچه، انسان حقلری نی نقض قیلگن هر بیر دولتی مسئول نینگ برابریده جدی و قانونی اقدام قیلگن. جمهورلیک ریاست سوزلاوچیسی اورین‌باسری دواخان مینه‌پال نینگ ایتیشیچه، اوتگن ۶ ییل ده ملی خوفسیزلیک کینگش نینگ ییغین‌لریده مملکتده تینچ‌اهالی و انسان حقلری سقله‌نیشی اوستیگه اورغولنگن.
آمریکا تشقی ایشلر وزیرلیگی نینگ گزارشی اساسیده، شورشچیلر آرقه‌لی قتل‌لر، امنیتی کوچلر آرقه‌لی قتل‌لر، اوروش تامان‌لری آرقه‌لی کلتکلش، جزالنتیریش و قیناققه سالیش، اوزباشیمچه‌لیک قولگه آلیش، آدم اوغیرلاوچیلیک و درک‌سیز یوقالیش، کینگ فساد، عیاللرگه قرشی زوروانلیک‌لرنی تیکشیرمه‌سلیک، باله‌لردن عسکر صفتیده فایده‌لنیش، باله‌لردن جنسی استعمال قیلیش، اقلیت‌لرنی هدف قرار بیریش، عیاللر، خبرچیلر و مدنی فعاللر ریجه‌لنگن شکلده اولدیریلیش‌لری، میلادی ۲۰۲۰- ییل ده افغانستان ده نقض ایتیلگن انسان حقلری نینگ مواردلریدن دیر.
