آمریکا بیرلشمه ایالت تشقی ایشلر وزیرلیگی بیر ییل‌لیک گزارشیده ایتگن که، اسلامی امارت نینگ قدرت گه ایریشگنی بیلن، افغانستان انسانی حقوق و دموکراتیک یوتوق‌لریدن اوزاق‌لشگن. آمریکا تشقی ایشلر وزیری آنتونی بلینکین نینگ ایتیشیچه، افغانستانده اسلامی امارت نینگ قدرت گه ایریشگنی بیلن، شونینگدیک اوشبو مملکت انسانی بحران بیلن روپه‌رو بولگن.
آمریکا تشقی ایشلر وزیرلیگی اوشبو گزارش‌ده، اسلامی امارت نینگ قدرت نی انحصار قیلگنی گه عیب‌لب و ایتگن که، باشقه طبقه‌لر اوشبو حکومت کابینه‌سیده اورینی یوق.
بیزلرنینگ توییترده هم تعقیب قیلینگ!
گزارش‌ده کیلگن که: «افغانستانده اسلامی امارت نینگ قدرت گه ایریشگنی، انسانی فاجعه گه سبب بولگن. عیاللر، اعتراض‌چیلر و خبرچیلر نینگ اوزباشیمچه‌لیک قولگه آلینیشی و شونینگدیک قصاص اولیملر، سیاست و تعلیم بولیم‌لرده عیاللر نینگ سیاسی مشارکتلریدن توسیق بولیش، اسلامی امارت نینگ زمانیده انسانی حقوق نینگ جدی نقض موردلریدن دیر.»
شونده‌ی بیرحالده، اوشبو گزارش نینگ ترقه‌تیلیشی گه تیگیشلی عیال حقوقی مدافعه‌لری و انسانی حقوق فعال‌لری نینگ ایتیش‌لریچه، دنیا جماعه اینیقسه آمریکا نینگ ایشی، گزارش و اعلامیه‌لر گه باغلیق بولمه‌یشی کیره‌ک. عیال حقوقی فعالی مونسه مبارز سلام‌وطندار بیلن اوتکزگن صحبتیده، مملکت‌ده‌گی سونگی اوزگریشلر نینگ سببی نی تشقی عامل‌لر دیب بیلدیرگن.
بانو مبارز نینگ ایشانچی گه کوره، دنیا نینگ قدرت‌لی مملکت‌لری افغانستان و عیاللر وضعیتی نینگ یخشی‌لنیشی اوچون اقدام قیلیش نی ایسته‌گنلری صورت‌ده، اولر گه برچه امکانیت موجود دیر. اونینگ ایتیشیچه: «منی فکرمچه بویوک مملکتلر اینیقسه آمریکا، دنیا جماعه‌سی و خلق‌ارا تشکیلاتلر نینگ نقشی، یالغیز اعلامیه‌لر، توییترلر و تاسف بیلدیریشلر بیلن چیکلنمه‌یدی؛ چونکه افغانستان‌ده‌گی اوزگریشلر نینگ عاملی تشقی فکتورلر دیر.»
عین حالده، عیال حقوقی و انسان حقوقی فعا‌ل‌لریدن باشقه بیری راحیل تلاش، دنیا جماعه‌سی و آمریکا‌دن افغانستان قیین‌چیلیک‌لری نینگ حل یولی تاپیلیشی اوچون اسلامی امارت گه باسیم کیتیریش‌لری نی سوره‌گن. اونینگ ایتیشیچه: «اوشبو مملکتلر نینگ ایشی یالغیز خواطر بیلدیریش دیر. قیغو بیلن اولر نینگ خواطر بیلدیریشلری هیچ بیر نرسه نی حل قیلمه‌یدی، اولر اسلامی امارت گه باسیم کیتیریش‌لری کیره‌ک.»
بیزلرنینگ فیسبوک صحیفه‌میزگه باش اورینگ!
بوندن آلدین، فرانسه پارلمان نماینده‌لریدن ۵۰ کیشی بیر نامه آرقلی اوشبو مملکت جمهور رئیسی‌دن اسلامی امارت مسئوللری نینگ تشقی سفرلری اوچون چیکلاو یره‌تیشلری نی سوره‌گنلر. مذکور نامه‌ده، اسلامی امارت سوزلری نی عمل گه آشیریگنی گه قدر باسیم‌لر نینگ دوام بیریشلیشی طلب قیلینگن.
شونینگدیک اوشبو گزارش گه تیگیشلی اسلامی امارت نینگ فکری نی آلیش ایسته‌دیک؛ بیراق کوپینچه سعی و حرکت بیلن‌موفق بولمه‌دیک. ایتیش کیره‌ک که، بوندن آلدین اسلامی امارت ایچکی ایشلر وزیرلیگی سرپرستی سراج‌الدین حقانی انسان حقوق نقضی نی رد قیلیب و اسلامی امارت نینگ مملکت‌ده بوتون بشر حقوقی نینگ رعایت قیلگنی نی ایتگن ایدی.
