بوگون “سهشنبه” طالبان گروهی بیر اعلامیه ترقهتیش بیلن ترکیه حربیلری نینگ افغانستانده حضور تاپیشلریگه قرشی کیلگنلر. اعلامیهده ایتیلیشیچه، ترکیه رسمیلری آمریکا ایستهگی اساسیگه حربیلرینی افغانستانده قالیشیگه قرار قیلگن.
طالبان گروهی، ترکیه نینگ افغانستاندهگی حضورینی اشغال عنوان قیلگن. اوشبو گروه نینگ ایتیشیچه، افغانستان و ترکیه نینگ مذهبی، تاریخی و فرهنگی رابطهلری بار و اوشبو مملکت نینگ حربی حضوری ایکی ملت آرهسیده دشمنلیک و نفرت کیلتیرهدی.
بیزلرنی فیسبوکده تعقیب قیلینگ
- ایش بیلرمانلر: ترکیه آمریکا بیلن علاقهلری یخشیلنیشی اوچون حرکت قیلماقده
- ترکیه نینگ ناتودهگی ایلچیسی: استانبول ییغینی دوحه سوزلشوولری نینگ بیتیروچیسی دیر
- محب: ترکیه ییغینی نینگ آجنداسی و اشتراک قیلهدیگنلر خصوصیده کیلیشوو صورت تاپمهگن
طالبان نینگ آگاهلنتیریشیچه، هر بیر مملکت نینگ افغانستاندهگی حضوری اشغال دیر و اونگه قرشی توختهیدیلر. طالبان نینگ اعلامیهسیده ایتیلیشیچه، ترکیه نینگ بو قراری اوزگرمهگن صورتده، اولرگه قرشی اوریشهدیلر.
طالبان گروهی ترکیه دن بو قراردن قول تارتیشینی سورهگن و اوشبو قرار ایکی مملکت منفعتیگه ایمس دیگن.
بوندن آلدین ترکیه جمهور رئیسی رجب طیب اردوغان اوشبو مملکت نینگ افغانستاندهگی حضوری خصوصیده قرار آلینگنیدن خبر بیرگن ایدی. ترکیه جمهور رئیسی نینگ ۱۸ سرطان ده اعلان قیلیشیچه، آمریکا و ترکیه هیاتلری ترکیه نینگ افغانستاندهگی مسوولیتی خصوصیده قرار قیلگن.
بیزلرنی فیسبوکده تعقیب قیلینگ
حاضرگهقدر ترکیه حربیلری نینگ افغانستاندهگی ماموریتی خصوصیده معلومات بیریلمهگن، لیکن کابل هوا قونالغهسی خوفسیزلیگینی تامینلش مسوولیتی اوشبو حربیلرگه تاپشیریلگن.