کابل طالبان نظارتی گه اوتگنیدن ایکی کوندن کیین، مذکور گروه سوزلاوچیسی ذبیح‌الله مجاهد اوتگن کون دولت رسانه و معلومات مرکزی ده بیرینچی خبری ییغینی نی یولگه قویدی. بوندن آلدین ذبیح‌الله مجاهد دن هیچ قنده‌ی رسم چیقمه‌گن ایدی. مجاهد اوشبو ییغینده ایتیشیچه، اجتماع ده عیاللرنینگ حضوری و فعالیتی گه جدی نیاز بار.
طالبان سوزلاوچیسی نینگ ایتیشیچه، «عیاللر موضوعی اونملی دیر و بیزلرنینگ آنه‌لریمیز و سینگیل‌لریمیز اجتماع نینگ اونملی عنصری دیر و اسلام چارچوبه‌سیده هر بولیم ده ایش قیلیش‌لری کیره‌ک و هیچ قندی تبعیض یوق دیر. اجتماع عیاللرنینگ حضوری و فعالیتی جدی نیاز دیر.»
ذبیح‌الله مجاهد نینگ کوپه‌یتیریشیچه، رسانه‌لر اسلامی اصول و ارزش‌لرگه قرشی نشرات بیرمه‌ی، طرف‌سیزلیک‌لرینی سقلب و توغری تنقید قیلیش‌لری کیره‌ک. اونینگ اورغولشیچه، ملی ارزشلر افغانستان اهالیسی اوچون اونملی دیر و رسانه‌لر بو ارزش‌لرگه قرشی فعالیت قیلمه‌سی کیره‌ک.
بیزلرنینگ فیسبوک صحیفه‌میزگه باش اورینگ!
«اسلام چوکاتی ده برچه رسانه‌لر آزاد دیر. رسانه‌لر طرف‌سیز بولیشی کیره‌ک و کیله‌جکده اونینگ نقص‌لریگه متوجه بوله‌میز.»
عین حالده، جناب مجاهد کابل خوفسیزلیک وضعیتی گه اشاره قیلیب بو شهر یشاوچی‌لریگه خطاب ایتیشیچه، برچه کابل یشاوچیلری مطمین بولیش‌لری کیره‌ک که امنیت‌لری یوزگه یوز تأمین دیر.
طالبان سوزلاوچیسی نینگ اورغولشیچه، مملکت اقتصادی آستقورمه‌لری کوچله‌نیشی کیره‌ک و بو گروه جدی اَدیم‌لرنی کوتاره‌دی و اقتصادی منبعلردن فایده‌لنه‌دی.
اونگه کوره، کم زمانده مملکت اقتصاد و سوداگرلیک وضعیتی گه ایجابی اوزگریش‌لیکلر کیله‌دی. ذبیح‌الله مجاهد نینگ ایتیشیچه، دنیا و قوشنی مملکتلر مطمین بولیش‌لری کیره‌ک که افغانستان توپراغیدن اولرگه هیچ قنده‌ی خوف و خطر متوجه بولمه‌یدی.
اونینگ کوپه‌یتیریشیچه، «ترجمانلر و تشقی دفترلر ایشلاوچی‌لری نینگ خوفسیزلیگی توغریسیده حربی بولگن کیشیلر برچه‌سی کیچیریلگن و ایشانچیم کامل که هیچ کیم اولرنینگ دروازه‌سینی آرقه‌سیگه کیتمه‌یدی. اولردن کیله‌جکده فایده‌لنه‌دی. امارت امر قیلگن که کابل ده هیچ کیم تعقیب بولمه‌یدی و اگر بیرار کیشی اهالی نینگ دروازه‌سینی آرقه‌سیگه بارگن صورتده، بیزلرنینگ تلیفون رقمی‌میز بار، علاقه قورسینلر، بیزلر اولرنی توتیب جزالنتیره‌میز.»
شونینگدیک طالبان سوزلاوچیسی نینگ اورغولشیچه، «الف دن ی» گچه همه کیچیریلگن. اونگه کوره، بو تینچلیککه یاردم بیره‌دی. «اگر اوروش جریانیده بیرار کیشی ضرر کورگن صورتده، او اوروش نینگ نتیجه‌سی و بیزلر هم ضرر کورگن‌میز.» طالبان سوزلاوچیسی گه کوره، بو گروه ثبات‌سیزلیک نی آلدینی آلیش اوچون وضعیت نی حربی شکلده سقلش‌لری کیره‌ک؛ بیراق تیزلیککه وضعیت بوتونلی عادی بوله‌دی.
ذبیح‌الله مجاهد نینگ ایتیشیچه، «افغانستان اشغالچی‌لرنینگ ییری ایمس و اسلامی حکومت تشکیل ایتیلیشی اوچون مذاکره‌لرنینگ دوامی بار. کیله‌جک حکومتده برچه تامانلر، قوملر و اهالی اونگه سهیم بولیش‌لری ممکن.»
جناب مجاهد حاضرگی بیراغ نینگ اوزگریشی توغریسیده تفصیلات بیردی که، سیاسی بویوکلر بو توغریده قرار آلیشه‌دی و بوتون افغانستان اهالیسی نینگ ایسته‌گی اساسیده بو توغریده اقدام قیلینه‌دی. اونینگ ایتیشیچه، «برچه افغانستان اهالیسی نینگ احتیاجاتی گه جواب بیره‌دیگن قانون توغریسیده ینگی حکومت قرار آله‌دی.
شونینگدیک ذبیح‌الله مجاهد نینگ ایتیشیچه، ینگی تیزیم قوریلیشی اوستیگه جدی شکلده ایش‌لرنی دوامی بار و تیزلیککه اعلام بوله‌دی. او هیچ قورال پاکستان گه قاچاق بولمه‌سی و چیگره‌لر جدی شکلده کنترول بولیشی توغریسیده اهالی گه ایشانچ بیره‌دی.
