ایرتهلب ساعت ییتی و هیداوچی ییگیتلر دایکندی مرکزی نیلی شهریده جایلشگن شهرک ترمینالیده موترلری یانیگه توریب توختهگنلر. اولردن قطاری چای ایچیب و بیر قطاری ایسه سکوت ایچیده دایکندی تاغلری ایچیدن اوتیب، قندهار دن کابل گه ییتیشهدیگن سرککه قرهب اولتیرگن. ترمینال گه کیرهدیگن بیر-ایکی یولاوچی هم کرایهنی سورهب و قیته چیقهدی. کوتیش، هیداوچیلرنینگ اوشبو کونلری کته قسمیگه اَیلنگن؛ بو مشقتلی کوتیش بعضا کونلب دوام ایتهدی.
۳۵ یاشر محمدسرور، بیر دههدن کوپراق دایکندی-قندهار یولیده هیداوچیلیک قیلماقده. او هر کونی ایرتهلب اوییدن چیقهدی، بیراق کوپینچه کون ایسه حتا بیر یولاوچی تاپه آلمهی و کیچه اوییگه قیتهدی. «ایرتهلب ترمینال گه کیلهمن، هر کونی ۶۰-۱۵۰ افغانی صرفلهیمت و کیچه قیته اویگه کیتهمن. تورموش اورتاغیم و بالهم بوگون قنچه ایش بار ایدی؟ دیب سورهیدیلر. هیچ دیب جواب بیرهمن. اوتگن ۴۰ کونده یالغیز بیر مرته یولاوچی آلیب کیتیش اوچون مینگه نوبت ییتیشدی و توپلم بیش مینگ افغانی درآمد قیلدیم.»
سرور یاقیلغینینگ قیمتلیگی، کرایهلر کمهیگنی و هیداوچیلرگه یوقاری خرهجتلردن شکایت قیلیب و ایتیشیچه، دایکندی ده کرایهلر و حتا اساسی توارلر قیمتی اوچون بیللی نرخنامه بولمهی و منطقه بازارلریده اینگ کیچیک تغییر بو ولایت یشاوچیلری حیاتیگه تاثیر قویه آلهدی. «ایران ده اوروش بولگنی یا-ده دنیا بازارلریده نفت قیمتی یوقاری کیتگنی صورتده، دایکندیده بیردن تیل قیمتی کوپهیهدی؛ لیکن اهالی درآمدی اوشه نرسه دیر.»
شونینگدیک بیراز او یاققه هیداوچیلردن باشقه بیری ۳۶ یاشر علیمحمد، موتریگه اولتیرگن. آلتی ییلدن بیری دایکندی، کابل و قندهار یوللریده ایشلهیدیگن علیمحمدنینگ ایتیشیچه، اوشبو کونلر کوپینچه وقتی کوتماقده اوتهدی. «ایرتنگ چاغی تقدیرسیزلیک بیلن ترمینال گه کیلهمن که بلکیم بیران یولاوچی تاپیلهر دیب. بعضا هفتهلر اوتهدی و هیچ یولاوچی تاپیلمهیدی. آلتی-ییتی کیشی تاپیلسه هم درآمدی یالغیز خرهجتلرنینگ بیر قسمینی چیقرهدی.»
شونینگدیک او، یاقیلغی و موتر پرزهلری قیمتلیگیدن شکایت قیلهدی. «بوندن آلدین اوچ مینگ بولگن پرزه، حاضر ۱۰ مینگ افغانیگه ییتیشگن. عایله بو ایشنی ترک قیل دیهدی، بیراق باشقه ایشنی بیلمهیمن و باشقه ایش هم یوق.»
شونینگدیک نیلی شهریده یوک تاشووچی موتر هیداوچیسی ۲۵ یاشر محمد، سرکلر بوزوقلیگینی ایش برابریدهگی اینگ مهم قیینچیلیکلردن عنوان قیلهدی. «مشتری زنگ اورمهگنیده، شهر ایچیگه کیتهمن و کوتیب تورهمن. بعضی کونلر ایش بار و بعضا هم یوق. بیر مرته یول اورتهسیده موتریم بوزیلدی و ساعتلب بیران کیشی تاپیلیب و مینگه یاردم بیریشینی کوتیب توردیم. قولگه کیلتیرهدیگنیم درآمددن کوپینچهسی تیل ساتیب آلیش و موترنی ترمیملشگه کیتهدی.»
شوندهی بیرحالده، دایکندی ترانسپورت شرکتلریدن بیرینینگ نمایندهسی و هیداوچیلر بیرلشمهسینینگ سابق باشلیغی چراغعلینینگ ایتیشیچه، یاقیلغی قیمتلیگی، یوللر بوزوقلیگی، آغیر سالیقلر و ترمینال امکانیتلری کملیگی، بو ولایت هیداوچیلرینینگ اینگ مهم قیینچیلیکلریدن دیر. «هیداوچیلردن ستندرد بیر ترمینال مالیهسی آلینهدی، بیراق بو ییرده نه بیر مناسبت کوتیش سالون بار و نه یولاوچیلر اوچون ستندرد حاجتخانه.»
اونگه کوره، بیرلشمه مسئوللری نیچه کرته هیداوچیلر قیینچیلیگینی محلی ادارهلر بیلن شریکت قیلگنلر، بیراق ایستهکلریدن کوپینچهسی حاضرگچه عملگه آشیریلمهگن. چراغعلینینگ کوپهیتیریشیچه، هر ییلی اینیقسه قیشده یوللر بوزوقلیگی، یولاوچیلر و هیداوچیلر حیاتینی تهدید قیلیب و اولرگه کوپینچه مالی زیانلرنی ییتیشتیرهدی.
بو توغریده دایکندی ترانسپورت آمریتی و محلی مسئوللرنینگ فکرینی آلیش اوچون سعیوحرما قیلدیک، بیراق موفق بولمهدیک. اوشبو قیینچیلیکلر بولگنی بیلن، دایکندی دهگی هیداوچیلر حاضرگچه هر کونی ایرتهلب ایش بولسه، بولمسه ترمینال تامان کیتهدیلر. اولر حکومتدن دایکندی دهگی هیداوچیلر قیینچیلیگیگه توجه قیلینیشینی سورهگنلر.
