بیرلشگن ملتلر تشکیلاتی نینگ مهاجر ایشلر بوییچه عالی کمیشنری، دوشنبه کونی، ۷ حمل، بیر گزارش ترقه‌تیب اسلام امیرلیگی حاکمیتیدن کیین، افغانستان ده عیاللر ایشی برباد بولماقده‌لیگیدن آگاه‌لنتیرگن.
گزارش‌لر اساسیده، عیاللر گه قرشی یره‌تیلگن چیکلاو‌لر و اولر نینگ اقتصادی فعالیت‌لری کمه‌یشی، سونگی ایکی ییل‌ده افغانستان نینگ ایچکی ناخالص تولید‌لری ۳۰ فایز دن ۳۵ فایز کمه‌یشی گه سبب بولگن.
عین‌حالده، سوداگرلر ایش بازارلری تنزل گه یوز توتگنیدن شکایت قیله‌دیلر.
بیزلرنینگ فیسبوک صحیفه‌میزگه باش اورینگ!
زعفران سوداگری نفیسه دانش نینگ ایتیشیچه: «اوتگن ایکی ییل ده افغانستان ده توزوم اوزگریشی و شونینگدیک موجود چیکلاو‌لر، سوداگر عیاللر گه زیان ییتیشتیرگن و اولر نینگ سرمایه‌لری قول‌لریدن کیتیشی و بازارلری تنزل گه یوز توتیشی گه سبب بولگن. حاضرگی وضعیت دوام تاپیب و حکومت دقت قیلمه‌گن تقدیرده، تیزلیک بیلن فعالیتی بولگن عیاللر هم ایشلرینی قولدن بیریش‌لری ممکن.»
پوستین دوزلیک بولیمیده ایشله‌یدیگنلردن ثانیامحمدی گه کوره: «پوستین ایشینی قیلر ایدیک، پوستین تیکیش اونچه قیین ایمس، ایشی‌میز سقوط قیلدی. اوتگن ییل‌لرده اون کیشی ایشلر ایدیک، ساتیشی‌میز هم یخشی ایدی. تشقی مملکت‌لردن کیله‌دیگن‌لر هم یخشی قیمت بیلن آلر ایدیلر. کرونا و سونگی اوزگریشلردن کیین، ایشی‌میز سقوط قیلدی.»
شونده‌ی بیرحالده، عیاللر صناعت و سوداگرلیک اتاق‌لری نینگ بورد هیئت عضوی پشتون امیری نینگ ایتیشیچه، چیکلاو‌لر و سونگی اوزگریشلردن کیین عیاللر نینگ ایشی ۸۰ فایزی کمه‌یگن.
اونگه کوره: «تخمیناً ۲۰ فایز عیاللر عملی ایشله‌ماقده‌لر. جواز قیمت، سالیق یوقاری دیر، چیت ایل گه مال‌لریمیزنی یوباره آلمه‌یمیز، سودا یوق، سوداگر عیاللر گه تشقری گه ایشلش ایزینی بیریلمه‌یدی، حاضر ۴۰ دکان آچیق و دکان‌لر سانی کمه‌یگن، اوتمیش کبی ایش یوق و عیال مجازلر هم محرم‌سیز کیله آلمه‌یدیلر.»
خانم امیری نینگ کوپه‌یتیریشیچه، کابل ده عیاللر باغ‌زنانه و بابر باغی کبی ییر‌لرده محصو‌ل‌لرینی ساته آلمسلیکلری باعث، اولر نینگ ایشلری اوستیگه سلبی تاثیر قیلگن.
بیزلرنینگ توییترده هم تعقیب قیلینگ!
عین‌حالده، صناعت و سوداگرلیک وزیرلیگی سوزلاوچیسی آخوندزاده عبدالسلام جواد نینگ ایتیشیچه، اوشبو وزیرلیک سوداگر عیاللر و اولر نینگ ایشلریدن حمایت قیله‌دی.
آخوندزاده عبدالسلام جواد نینگ کوپه‌یتیریشیچه: «سوداگر عیاللر و عیاللر اتاقی دن حمایت قیله‌میز، اوشبو اتاق‌ده ۵۶۰ سوداگر عیال نینگ عضویتی بار و ایشله‌یدیلر. ۸۰۰۰ دن آرتیق سوداگر عیال بار و ایشله‌یدیلر. افغانستان ده یولگه قوییلگن کورگزمه‌لرده، عیاللر گه مخصوص بیر حصه دایر قیلدیک.»
اسلام امیرلیگی حاکمیتی و عیاللر نینگ جمعیت ده حضور تاپه آلمسلیگیگه دایر یره‌تیلگن چیکلاو‌لردن کیین، عیاللر نینگ اقتصادی فعالیت‌لری کمه‌یب و ایچکی ناخالص درآمد ایشلری بوییچه اولر نینگ سهمی کمه‌یگن.
