صفیه محیطی، سوداگرلر عیاللردن بیری و هرات ده محیط بانوان هریوا شرکتی مسوولی دیر. او، ۶ ییل آلدین اوشبو خذمت ییتیشتیریش مرکزنی ایجاد قیلگن. اونینگ ایتیشیچه، سابق‌لرده ایشی یخشی ایکن و اونلرچه عیال اونینگ شرکتی‌گه شغللنه‌ریکنلر. خانم محیطی نینگ کوپه‌یتیریشیچه، اسلامی امارت حاکم بولیشی بیلن مشتری‌لرینی قولدن بیرگن و ایشلاوچی‌لری ایش‌سیز بولیب و یمان وضعیتده حیات کیچیره‌دیلر.
بیزلرنینگ فیسبوک صحیفه‌میزگه باش اورینگ!
اونینگ ایتیشیچه، فعالیت‌لرینی قیته باشلش اوچون هیچ‌قنده‌ی امیدی یوق و حاضرگی شرایط ده فعالیت قیله آلمه‌یدی.
هرات ولایتیده صفیه محیطی کبی اونلرچه سوداگر عیاللر افغانستانده اسلامی امارت حاکم بولگنیدن سونگ، ایش‌لرینی قولدن بیرگن و حاضرده اقتصادی نقطه‌نظردن یمان وضعیتده حیات کیچیره‌دیلر.
هرات ولایتیده آنلاین سوداگرلیک مرکزلریدن بیری نینگ مسوولی آرزو حقیقی، حاضرده چیت‌ایللیک مملکت‌لریدن بیریده حیات کیچیره‌دی. اونینگ ایتیشیچه، افغانستانده طالبان حاکم بولگنیدن سونگ، ایشی‌نی قولدن بیرگن و مملکتدن چیقیش‌گه مجبور بولگن.
هرات ده فعال عیاللردن بیری فرشته حیدری، اسلامی امارت رهبرلریدن عیاللر حقوق‌لرینی نظرگه آلیشی‌نی سوره‌ب و جماعه‌ده سهیم بولیب و شغلله‌نیش اوچون اولرگه رخصت بیریشی‌نی سوره‌گن.
هرات ولایتی بوییچه عیاللر صناعت و سوداگرلیک اتاقی اورین باسری کریمه صدیقی نینگ سوداگر عیاللر وضعیتیدن خواطر بیلدیریب ایتیشیچه، اولر هرات ولایتیده سوداگر عیاللر نینگ فعالیت‌لریگه زمینه یره‌تیش اوچون سعی و حرکت قیله‌دیلر.
هرات ولایتی بوییچه عیاللر صناعت و سوداگرلیک اتاقی مسوول‌لری نینگ ایتیش‌لریچه، اوتگن نیچه ییل جریانیده کمیده ۳ مینگ عیال قول صناعتی، نقاش‌لیک و ایکینچی‌لیک شامل تورلی ایش‌لر بیلن شغللنه‌ریکنلر، لیکن مملکتده یوز بیرگن تحولات دن سونگ، ایش‌لرینی قولدن بیریب و بیرقطاری چیت‌ایللیک ممکت‌لرگه پناهنده بولگنلر.
بیزلرنینگ توییترده هم تعقیب قیلینگ!
سوداگر عیاللر چیکه‌سیده دولت ایشلاوچی‌سی بولگن عیاللر هم حاضرگه‌قدر قیته‌دن ایش‌گه باشلشگه موفق بولمه‌گنلر.
