هرات‌ده‌گی محلی منبع‌لر نینگ سلام‌وطندار گه ایتیشلریچه، اوتگن کون عصر چاغی هرات شهری نینگ جبرئیل شهرچه‌سی «توحید ۱۸» سرکی‌ده پارتلش یوز بیرگن.
محل یشاوچیلری و اوشبو واقعه شاهدلری نینگ ایتیشلریچه، مذکور واقعه «سنگ‌گیرک» اوین میدانی و بیروبار بیر ییرده یوز بیرگن. منبع‌لر گه کوره، اوشبو پارتلش شیعه‌لر یشه‌یدیگن بیر محل‌ده یوزبیرگن دیر.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، هرات حوزوی کسلخانه باش‌داکتری محمدعارف جلالی نینگ سلام‌وطندار گه ایتیشیچه، اوشبو واقعه‌دن ۴ جسد و ۲۵ یره‌دار مذکور کسلخانه گه انتقال بیریلگن.
باشقه بیر تاماندن، باختر دولتی خبرگزارلیگی نینگ اعلام قیلیشیچه، هرات شهری نینگ ۹_ناحیه اطرافیده‌گی یوز بیرگن پارتلش عاقبتیده، ۵ کیشی هلاک و باشقه ۲۰ کیشی ایسه یره‌لنگن.
باختر هرات معلومات و مدنیت ریاست رئیسی نعیم‌الحق حقانی‌دن نقل قیلیب یازیشیچه، اوتگن کون ساعت ۶ اطرافیده هرات شهری نینگ ۹_ناحیه‌سیده، بیر اوین‌میدانی گه ۴ بمب جایلشگن ایکن که بو آره‌ده ایکی بمب تانیلیب و کشف بولگن و باشقه ایکی بمب نینگ پارتلگنی نتیجه‌سیده، ۵ کیشی هلاک و ۲۰ کیشی یره‌لنیب و هرات حوزوی کسل‌خانه‌سی گه انتقال بیریلگن.
بیزلرنینگ توییترده هم تعقیب قیلینگ!
اوشبو واقعه مسئولیتی نی حاضرگچه بیرار گروه یا_ده شخص بوینیگه آلمه‌گن. بیراق بوندن آلدین هرات‌ده و باشقه بیر قطار ولایت‌لرده شونگه اوخشه‌گن واقعه‌لر مسئولیتی نی اسلامی دولت گروهی (داعش) بوینیگه آلگن.
