هرات پولیس قومندانلیگی سوزلاوچیسی عبدالاحد ولی‌زاده نینگ ایتیشیچه، بوگون “یکشنبه” توشدن آلدین کیم‌لیگی بیللی بولمه‌گن ایکی عیال نینگ جسدی هرات شهری نینگ ۷- ناحیه‌سیدن تاپیلگن.
جناب ولی‌زاده گه کوره، حاضرگه‌قدر اوشبو عیاللرنینگ قنده‌ی شکلده اولدیریلگنی بیللی ایمس، بیراق مذکور جسدلر تیکشیریلیش اوچون عدلی طب گه یوباریلگن.
عین‌حالده، هرات ولایتی بوییچه ساغلیق‌نی سقلش ریاستی سوزلاوچیسی رفیق شیرزی نینگ ایتیشیچه، اولدیریلگن عیاللردن بیری ۵۰ و باشقه بیری ایسه ۲۵ یاشر دیر و جسدلری پولیس کوچلری تامانیدن هرات حوزهیی کسلخانه‌سیگه انتقال بیریلگن.
جناب شیرزی گه کوره، اولدیریلگن عیاللر تنه‌سیده هیچ‌قنده‌ی لککه یوق و انه‌شوو سبب، دارو آرقه‌لی اولدیریلگنی ممکن.
هرات ولایتی بوییچه ساغلیق‌نی سقلش ریاستی سوزلاوچیسی نینگ ایتیشیچه، مذکور عیاللرنینگ کیم‌لیگی حاضرگه‌قدر بیللی بولمه‌گن و اقارب‌لری هم حاضرگه‌قدر کسلخانه‌گه مراجعت قیلمه‌گن.
