جوزجان پولیسی نینگ ۵- سمت آمری نجیبه دلاوری، امنیتی وضعیت نی تیکشیریش و حربی پوستهلرنی کوریش اوچون بو ولایت نینگ قوشتپه تومنی گه بارگن. اونینگ ایتیشیچه، قورقمسدن طالبان گه قرشی اوروشیب و اولرنینگ برابریده سنگر آلهدی.
خانم دلاوری طالبان گه قرشی اوروشیشی توغریسیده ایشانچ بیریب و طالبان گه تسلیم بولیش نی ننگ دیب بیلهدی. اونینگ کوپهیتیریشیچه، تیزلیککه باشقه حربیلر بیلن بیرلیکده قولدن کیتگن تومنلرنی قیته آلیش اوچون اقدام قیلهدی.
عین حالده، جوزجان پولیس قومندانی خواجه غلام جیلانی نینگ ایتیشیچه، بو ولایتده عیال پولیس سانی یوقاری کیتگن و اولر شهر خوفسیزلیگی نی تأمینلش اوچون باشقه امنیتی کوچلر بیلن بیرلیکده وظیفه انجام بیرهدی.
جوزجان پولیس قومندانی گه کوره، امنیتی کوچلرنینگ صفیده عیاللرنینگ حضوری امنیت تأمینلنیشی و جنایی جرملر کمهیشی اوستیگه ایجابی تأثیر قویگن.
جوزجان پولیسی نینگ ۵- سمت آمری امنیتی کوچلرگه روحیه بیریش اوچون قوشتپه تومنی گه سفر قیلگن بیرحالده، اوروش شهر اطرافی گه قدر ییتیشگن و امنیت ایسه یالغیز بو ولایت نینگ قوش تپه و خواجه دوکوه تومنلری نینگ مرکزی و قتناویوللریده خلاصه بولهدی و باشقه ۹ ولایت طالبان نظارتی گه دیر.
نجیبه نور دلاوری نیچه آی آلدین شبرغان شهریده پولیس نینگ ۵- سمت قومندانی صفتیده تانیشتریلگن ایدی.
