اسلام امیرلیگی تشقی ایشلر وزیری امیرخان متقی، روسیه باش وزیری اورین باسری الکسی اورچوک بیلن اوچره‌شیب و تامانلر افغانستان و روسیه اورته‌سیده اقتصادیات، سودا، ترانزیت و انرژی ساحه‌سیده همکارلیک‌لرنی کینگه‌یتیریش باره‌سیده بحث ایتگنلر.
تشقی ایشلر وزیرلیگی، بوگون (۱۴ میزان/۶ اکتوبر، سه‌شنبه) ایکس اجتماعی ترماغیده بیر بیانیه ترقه‌تیب، اوچره‌شوو روسیه پایتختی مسکوده بولیب اوتگنینی بیلدیرگن.
تشقی ایشلر وزیری شونینگدیک، سودا، ترانزیت و منطقه‌وی باغلنیش‌لرنی کینگه‌یتیریش، افغانستان‌ده روسیه‌نینگ سرمایه کیریتیشی، انرژی و کانلرنی قزیب آلیش بولیمیده قوشمه همکارلیک قیلیش گه علیحده تأکید ایتگن.
بیانیه گه کوره، الکسی اورچوک روسیه‌نینگ اسلام امیرلیگی بیلن اقتصادی همکارلیک‌لرنی کینگه‌یتیریش گه تیار ایکنینی بیلدیریب و ایکی مملکت اورته‌سیده عملی همکارلیک‌لرنی باشلش شرایطی یره‌تیلگنینی معلوم قیلگن.
روسیه باش وزیری اورین باسری، ترانزیت، آلیش-بیریش، انرژی و باشقه ساحه‌لرده‌گی همکارلیک‌لر کینگه‌یتیریلیشی گه تأکید ایتگن.
