مملکت تشقی ایشلر وزیرلیگی سوزلاوچیسی عبدالقهار بلخی، سه‌شنبه کیچه، ۴ میزان، اوز ایکس (تویتری) ده، اوشبو وزیرلیک سرپرستی ولادیمیر پوتین مصلحتچیسی بیلن مسکو ده اوچره‌شگنیدن خبر بیرگن.
روسیه جمهور باشلیغی ولادیمیر پوتین نینگ مصلحتچیسی ادلگریف روسلان سعید حسین‌ویچ بیلن اوچره‌شگن مملکت تشقی ایشلر وزیرلیگی نینگ سرپرستی امیرخان متقی، افغانستان و روسیه آره‌سیده اوتمیش گه نسبتن سیاسی و اقتصادی مناسبت‌لر مستحکم‌لنیشی اوستیده تأکید ایتگنلر.
بیزلرنینگ فیسبوک صحیفه‌میزگه باش اورینگ!
مذکور اوچره‌شووده ایکی تامان، افغانستان ده‌گی وضعیت اوستیگه بحث ایتیش گه قوشیمچه، اوشبو ایکی مملکت آره‌سیده تورلی ساحه‌لرده مناسبت‌لر مستحکم‌لنیشینی ایکی مملکت نینگ ترقیاتی اوچون مهم دیه بهاله‌گنلر.
اوشبو اوچره‌شووده، عصیانچی گروه‌لر گه قرشی کوره‌ش، اقلیم اوزگریشی، تعلیم، سوداگرلیک، ایکینچیلیک، صناعت و سپورت مسئله‌لری اوستیگه بحث ایتیلگن.
بیزلرنینگ «ایکس» ترماغی ده هم تعقیب قیلینگ!
ایتیش کیره‌ک که، اسلام امیرلیگی تشقی ایشلر وزیرلیگی نینگ سرپرستی امیرخان متقی، ۲۹ سپتمبر کونی روسیه نینگ کازان شهری ده اوتکزیلیشی ریجه‌لشتیریلگن «فرمت مسکو» ییغیلیشی گه اشتراک ایتیش اوچون روسیه دولتی نینگ رسمی تکلیفی اساسیده، دوشنبه کونی، ۳ میزان مسکو گه ییتیب بارگن.
