تورکیه و پاکستان، تروریزم، بنگی‌وار ماده‌لرنی قاچاق قیلیش و جنایی جرملرگه قرشی کوره‌ش‌ده همکارلیک‌نی کوچه‌یتیریش مقصدیده کیلیشوو امضاله‌گن.
ییتکرمه‌لرنینگ معلوماتیگه کوره، بو کیلیشوو ۱۷ میزان/۹ اکتوبر، جمعه کونی پاکستان ایچکی ایشلر وزیری محسن نقوی‌نینگ ترکیه گه قیلگن سفری دایره‌سیده امضالنگن.
معلومات‌لر اساسیده، ایکی دولت ایچکی ایشلر وزیرلیکلری اورته‌سیده‌گی همکارلیک‌نی کینگه‌یتیریش مقصدیده قوشمه ایشچی گروه توزیشگه هم کیلیشیب آلگن.
تخنیکی یاردم کورسه‌تیش، متخصص‌لر المشووی، بنگی‌وار ماده‌لر گه قرشی کوره‌ش و پولیس کدرلرینی تیارلش ساحه‌لریده قوشمه لایحه‌لرنی عملگه آشیریش اوشبو کیلیشوونینگ اساسی یونه‌لیشلری حسابلنه‌دی.
بو کیلیشوو، پاکستان و تورکیه سونگی هفته‌لرده سعودی عربستان بیلن بیرگه‌لیکده مدافعه ساحه‌سیده هم قوشمه کیلیشوو امضاله‌گن بیر پیتده عملگه آشیریلگن.
