اوزبیکستان باش وزیری اورین باسری جمشید خواجهیوف، کابل گه قیلگن سفری دایرهسیده افغانستان اسلام امیرلیگی باش وزیرلیگینینگ اداره باشلیغی ملا عبدالواسع بیلن اوچرهشدی.
اسلام امیرلیگی سوزلاوچیسینینگ اورین باسری حمدالله فطرت، بوگون (۴ اسد/۲۶ جولای، یکشنبه) ایکس اجتماعی ترماغیده بیر بیانیه ترقهتیب، ایکی تامان ارگده اوچرهشگنینی معلوم قیلدی.
بیانیه گه کوره، جمشید خواجهیوف افغانستان اسلام امیرلیگی باش وزیری ملامحمدحسن آخند، اقتصادی اورین باسری ملا عبدالغنی برادر، کانلر و پترولیم، ایکینچیلیک، فواید عامه وزیرلری بیلن علیحده اوچرهشیب، افغانستان و اوزبیکستان اورتهسیدهگی سیاسی، اقتصادی، سودا، سرمایه کیریتیش و ترانزیتی همکارلیکلرنی مستحکملش و کینگهیتیریش مسئلهلری حقیده بحث ایتیشی کوتیلهدی.
اوزبیکستان باش وزیری اورین باسری جمشید خواجهیوف باشچیلیگیده اوشبو مملکتنینگ دولت رسمیلری و خصوصی سکتور وکیللریدن عبارت هیئت، اوتگن کون کابل گه کیلدی.
