اسلام امیرلیگی صناعت و سودا وزیری الحاج نورالدین عزیزی، بلاروس صناعت وزیری آندری کوزنتسوف بیلن اوچره‌شیب و صحبت قیلگن.
صناعت و سودا وزیرلیگی، بوگون (۹-میزان/۱-اکتوبر، پنج‌شنبه) ایکس اجتماعی ترماغیده بیر بیانیه ترقه‌تیب، اسلام امیرلیگی و بلاروس صناعت وزیرلری ایشلب چیقریش فابریکه‌لرینی قوریش، افغانستان-بلاروس سوداگرلیک مجموعه‌سینی منتظم روشده اوتکزییش همده اقتصادی کمیسیون‌ده بیان قیلینگن موضوعلرنی تعقیب قیلیش توغریسیده صحبت قیلگنلرینی یازگن.
اوشبو وزیرلیک شونینگدیک، بلاروس ماشین‌سازلیک خصوصاً تراکتور ایشلب چیقروچی کمپنیه‌لر همده کانچیلیک ساحه‌سیده فایده‌لنیله‌دیگن ماشین و اوسکونه‌لر ایشلب چیقروچی کمپنیه‌لرنینگ نماینده‌لیک‌لرینی افغانستان گه انتقال بیریش گه قیزیقیش بیلدیره‌یاتگنینی معلوم قیلگن.
صناعت و سودا وزیری ایکی کون آلدین بلاروس نینگ ایکینچی خلق‌ارا صناعت کورگزمه‌سی‌ده قتنه‌شیش و اوشبو مملکت همده افغانستان ارا اقتصادی و سوداگرلیک همکارلیکلرنی کینگه‌یتیریش مقصدی بیلن بلاروس‌گه بارگن.
