اسلام امیرلیگی سوزلاوچیسی ذبیح‌الله مجاهد، پاکستان حربی کوچلری‌نینگ افغانستان ایریم حدودلریگه اویوشتیرگن هجوملرینی قاره‌لب و اونی «جنایت و تجاوز» دیب اته‌گن.
مجاهد، بوگون (۹ میزان/۱ اکتوبر، پنج‌شنبه) ایکس اجتماعی ترماغیده بیر بیانیه ترقه‌تیب، پاکستان‌نینگ کنر و هلمند ولایت‌لریده تینچ اهالی‌نینگ تورر جایلریگه اویوشتیرگن هجوملریده عیاللر و باله‌لر شامل توقیز کیشی «شهید» بولیب و ینه ۱۱ کیشی یره‌لنگنینی بیلدیرگن.
اسلام امیرلیگی سوزلاوچیسی گه کوره، اوشبو هجوملرده اوچ تورر اوی بوزیلگن.
پاکستان حربی کوچلری، بوگون بامداد پیتی کنر ولایتی شلتن تومنیده «چوگام» منطقه‌سی و هلمند ولایتی گرمسیر تومنی «صفار» گه هوا آرقه‌لی هجوم اویوشتیردی. پاکستان سونگی میلادی ایکی آی ایچیده قندهار، خوست و پکتیا ولایت‌لریگه هجوم اویوشتیرگن.
