اسلام امیرلیگی سوزلاوچیسی ذبیحالله مجاهدنینگ اعلام قیلیشیچه، پاکستان ینه بیر مرته افغانستاننینگ اوچ ولایتیگه هجوم قیلیب و بو مملکت حریمینی نقض قیلگن.
او، بوگون (۲۰-جوزا، چهارشنبه)، اکس صحیفهسیده یازیشیچه، پاکستان اردوسی اوتگن کیچه کنر، خوست و پکتیکا ولایتلریده تینچ اهالی اویلرینی بمباردمان قیلگن. مجاهدنینگ کوپهیتیریشیچه، پاکستاننینگ اینگ ینگی اویوشتیرگن هجوملریده ۱۱ باله شامل ۱۳ کیشی «شهید» و ۱۴ عیال و باله یرهلنگن.
اسلام امیرلیگی سوزلاوچیسی، افغانستان گه پاکستان هجوملرینی بشریتگه قرشی جنایت دیب و اونی قارهلگن.
پاکستان اردوسی، سونگی بیر ییلده افغانستاننینگ ولایتلرینی نیچه مرته هوا هجوملری بیلن نشانگه آلگن.
