مملکت ایچکی ایشلر وزیرلیگی نینگ بیر خبرنامه آرقهلی ایتیشیچه، پاکستان حکومتی افغانستان نینگ اسلامآباد دهگی ایلچیسی نجیبالله علیخیل نینگ قیزی سلسله علیخیل نینگ اوغیرلهنیش قضیهسی حقیده یاردم بیرمهی و بوتون معلوماتلرنی افغانستان هیاتی بیلن شریک قیلمهگن.
اوشبو وزارت تامانیدن نشر ایتیلگن خبرنامهده ایتیشیچه، پاکستان رسمیلری نینگ بیاناتلری فرقلی دیر و اساسی مسلهلر جملهدن واقعه قندهی یوز بیرگنی و عامللرنی تانیلیشی خصوصیده دقت بولمهگن.
تشقی ایشلر وزیرلیگی نینگ کوپهیتیریشیچه، سلسله علیخیل قضیهگه تیگیشلی معلوماتلرنی پاکستان حکومتی تامانیدن افغانستان هیاتی اختیاریگه قرار بیریلیشی کیرهک ایدی، لیکن اوشبو مملکت وعدهسیگه عمل قیلمهگن و معلوماتلرنی هیات بیلن شریک قیلمهگن.
تشقی ایشلر وزیرلیگی نینگ کوپهیتیریشیچه، کسلخانه حجتی، ساغلیک گزارشلر و باشقه حجتلرگه قرهگنده سلسله علیخیل اوغیرلنیب و قیناققه سالینگن. اوشبو وزارت نینگ تاکید قیلیشیچه، افغانستان دولتی واقعه قربانلیگی نینگ هماهنگلیگی بیلن بو قضیه عامللرینی تانیلیب و قولگه آلینیشی اوچون سعی و حرکت قیلهدی.
افغانستان تشقی ایشلر وزیرلیگی، پاکستان تشقی ایشلر وزیرلیگی دن بو واقعه عامللرینی قولگه آلینیشی اوچون سعی و حرکت قیلیشینی سورهگن.
سلسله علیخیل سرطان آیی نینگ ۲۵- تاریخیده پاکستان باش کنتی اسلامآباد شهریده اوغیرلنگن ایدی. افغانستان تشقی ایشلر وزیرلیگی ۱۱ اسد ده بو واقعهنی تیکشیریش اوچون بیر هیاتنی پاکستانگه یوبارگن ایدی.