اسلام امیرلیگی سوزلاوچیسی ذبیح‌الله مجاهد، بوگون (۲ میزان/۲۴ سپتمبر، پنج‌شنبه) بامداد پیتی پاکستان حربی کوچلری‌نینگ قندهار، پکتیا و خوست ولایت‌لریگه هوا هجومی گه مناسبت بیلدیریب و افغانستان قتیق و مناسب جواب قیتریشی حقیده آگاه‌لنتیردی.
مجاهد، ایکس اجتماعی ترماغیده بیر بیانیه ترقه‌تیب، اوشبو هجوملرنی اینگ قتیق سوزلر بیلن قاره‌لب اونی برچه تمایللرنینگ آچیقدن-آچیق بوزیش، یقال تجاوز و جنایت دیب اته‌گن.
مجاهد، پاکستان حربی کوچلری‌نینگ هوا هجوملریده تورت تینچ اهالی «شهید» بولگنینی قوشیمچه قیلگن.
ایلگری‌راق خوست ولایتی حاکمی سوزلاوچیسی مستغفر گربز، پاکستان حربی کوچلری بو ولایت‌نینگ ایریم حدودلرینی هوا آرقه‌لی بمباردمان قیلگنیدن خبر بیرگن ایدی.
ایسله‌تیب اوته‌میز، پاکستان حربی کوچلری بوندن آلدین هم کنر و پکتیکا ولایت‌لری‌نینگ ایریم حدودلرینی بمباردمان قیلیب و اونینگ نتیجه‌سیده اوچ کیشی «شهید» بولگن ایدی.
