بیرلشگن ملتلر تشکیلاتینینگ بالهلرنی قوللب-قوتلش صندیغی (یونیسف)، افغانستان گه پاکستاننینگ اویوشتیرگن هجوملری نتیجهسیده بالهلر اولیب و یرهلنگنیدن خواطر بیلدیریب، تامانلردن انسانسیورلیک خلقارا حقوق معیارلریگه عمل قیلیش و هر شرایطده بالهلرنی حمایه قیلیشگه چقیرگن.
یونیسف، ۸-سرطان، دوشنبه، افغانستاننینگ بیر قطار بولیملریگه پاکستان آرقهلی اویوشتیریلگن سونگی هجوملرگه عکسالعمل بیلدیریب و اعلام قیلیشیچه، اوشبو هجوملرده بالهلرنینگ اولیب و یرهلنیشیگه تیگیشلی گزارشلردن جوده کوپ خواطرلنگن.
مذکور نهاد، بیر بیانیه آرقهلی اورغولشیچه: «بالهلر نشان ایمس. اولرنینگ دایم سقلهنیشی کیرهک.»
یونیسفنینگ کوپهیتیریشیچه، اوشبو واقعهنی تولیق کولملی، ییتکزیلگن ضرر و اونینگ عاقبتلرینی اورگهنیش همده تصدیقلش اوچون بیرلشگن ملتلر تشکیلاتینینگ باشقه نهادلری بیلن همکارلیک قیلماقده.
پاکستان دوشنبه کیچه کنر، پکتیا و پکتیکا ده جایلشگن حدودلرنی هوا هجومی بیلن نشانگه آلگن. اسلام امیرلیگی آرقهلی ترقهتیلگن رقملر اساسیده، اوشبو هجومده ۳۶ کیشی «شهید» و شونینگدیک ۱۶۳ کیشی جملهدن عیاللر و بالهلر یرهلنگن.
