پاکستان حربی کوچلرینینگ ینگیلیکده افغانستان اوچ ولایتیگه اویوشتیرگن هجوملری عاقبتیده چمهسی ۳۶ کیشی عیاللر و بالهلر شامل «شهید» بولگن.
اسلام امیرلیگی سوزلاوچیسینینگ اورین باسری حمدالله فطرت، بوگون (۸ سرطان/۲۹ جون، دوشنبه) ایکس اجتماعی ترماغیده، پاکستاننینگ کنر، پکتیا و پکتیکا ولایتلریگه اویوشتیرگن هجوملری عاقبتیده ۱۶۳ تینچ اهالی جراحت آلگنینی معلوم قیلگن.
فطرت، پاکستان هجوملریده کوپراق عیاللر و بالهلر قربان بولگنینی قوشیمچه قیلگن. شونینگدیک، اوچ یشش بنا ویرانه گه ایلنگن.
پاکستان حربی کوچلری اوتگن کیچه افغانستاننینگ ایریم قسملری جملهدن پکتیا ولایتی گیان تومنی، پکتیا ولایتی سمکنی تومنی و کنر ولایتی منوره تومنیده هوا آرقهلی هجوم اویوشتیردی. بو مملکت اوشبو قویاش ییل ۱۹ جوزا کونیده کنر، خوست و پکتیکا ولایتلریده تینچ اهالی یشش اویلرینی بمباردمان قیلدی و اونینگ نتیجهسیده ۱۱ باله شامل ۱۳ کیشی «شهید» و ۱۴ نفر عیال و باله جراحت آلدی.
