افغانستان برق ییتکزیش کمپنیهسی (برشنا)، اوشبو اداره عمومی باشلیغی عبدالحق همکار، تاجیکستان برق کمپنیهسی باشلیغی محمدعمر آسوزاده بیلن اوچرهشگنیدن خبر بیردی.
مذکور اداره، بوگون (۸ میزان/۳۰ سپتمبر، چهارشنبه) ایکس اجتماعی ترماغیده بیر بیانیه ترقهتیب، اوشبو اوچرهشووده تامانلر، تاجیکستاندن افغانستان گه آلیب کیلینگن برق حجمی کوپهیتیریلیشی همده بو ایکی مملکت اورتهسیدهگی همکارلیکلر کینگهیتیریلیشی حقیده بحث ایتگنلرینی یازگن.
بیانیه گه کوره، شونینگدیک تامانلر تاجیکستاندن آلیب کیلینگن برق حجمینی آشیریش، برق اوزهتیش لینلرینی مستحکملش و کینگهیتیریش، برق انرژیسینینگ صفتی و کوچلنیشینی یخشیلش، تعرفه، سرمایه کیریتیش فرصتلری، تخنیکی تعلیم و اوزاق مدتلی همکارلیکنی کینگهیتیریش مسئلهلرینی بحث گه آلیب فکر المشتیرگنلر.
برشنا کمپنیهسی بیانیهسی اساسیده، اوشبو اوچرهشووه تاجیکستان تامانی ۵۰۰ کیلوولت برق اوزهتیش لینینی قوریش ریجهسی حقیده معلومات بیریب، افغانستان گه آلیب کیلینگن برق حجمینی آشیریش گه تیارلیگینی بیلدیرگن.
