ایران‌نینگ شیراز، اصفهان، کرمانشاه و تبریز شهرلری، اسرائیل تامانیدن نشانگه آلینگن.
بوندن اول‌راق ایران یېتکرمه‌لری، اسرائیل شرقی آذربایجان ولایتی مرکزی تبریز شهری‌ده هوا قونالغه‌سینی نشانگه آلگنیدن خبر بیرگن اېدیلر.
اوشبو هجوملرنینگ احتمالی تلفاتی و زیانلری حقیده حاضرگچه هېچ نرسه دیېلمه‌گن.
بیزلرنینگ فیسبوک صحیفه‌میزگه باش اورینگ!
عین‌حالده، یېتکرمه‌لر اسرائیل‌نینگ بوگون (۲۳-جوزا، جمعه) ایرته‌لب ایران گه اویوشتیرگن هجوملری عاقبتیده ایران سپاه پاسداران باش قوماندانی حسین سلامی، ایران اتمی انرژی تشکیلاتی سابق قوماندانی فریدون عباسی و آزاد بیلیم یورتی باشلیغی مهدی ترانچی و باشقه بیرقطار ییریک رسمی‌لری هلاک بولگنیدن خبر بیرگنلر.
اسرائیل‌نینگ ایران گه هجوملری، افغانستان اسلام امیرلیگی، تورکیه، پاکستان، سعودی عربستان و باشقه بیرقطار مملکتلر تامانیدن قتیق شکلده قاره‌لنگن.
بیزلرنینگ «ایکس» ترماغی ده هم تعقیب قیلینگ!
اسرائیل باش وزیری بنیامین نتانیاهو، بو هجوم‌نی «مثل‌سیز» اته‌ب و ایران‌نینگ هسته‌ای قوریلمه‌لری نشانگه آلینگنینی معلوم قیلگن.
