لبنان ساغلیقنی سقلش وزیرلیگی، اوتگن ۲۴ ساعتده بو مملکتنینگ بیر قطار بولیملریگه اسرائیل آرقهلی اویوشتیریلگن هجوملر عاقبتیده، کمیده ۴۱ کیشینینگ قربان بولگنی معلوم قیلگن.
الجزیره ترماغینینگ گزارش بیریشیچه، ۲-مارچدن حاضرگچه حزبالله و اسرائیل آرهسیدهگی توقنشوولرنینگ ینگی باسقیچی باشلنگنیدن بویان، لبنان ده ۲ مینگ ۶۵۹ کیشی قربان بولگن.
لبنان ساغلیقنی سقلش وزیرلیگی معلوماتی اساسیده، بو مدتده باشقه سکیز مینگ ۱۸۳ کیشی یرهلهنیب و بیر میلیوندن آرتیق کیشی هم آواره بولگن.
شونینگدیک اسرائیل حاضرگچه ۱۷-اپریل ده باشلهنیب و کیین می آیی اورتهلریگچه اوزهیتیریلگن آتیش کیسیننی، بوزماقده.
اسرائیل رسمیلرینینگ ادعا قیلیشیچه، بو مملکت هجوملریده حزبالله موقعیتلری نشانگه آلینگن، بیراق گزارشلر گه کوره، قربانلردن کوپینچهسینی تینچاهالی تشکیل بیرهدی.
