آتیش کیسین برقرار بولگنی بیرحالده، اسرائیلنینگ لبنان گه قرشی هجوملری دوامیده بو مملکت جنوبیده، کمیده ۱۲ کیشی قربان بولگن.
خلقارا ییتکرمهلرنینگ بوگون (۱۲-ثور/۲-می، شنبه)، گزارش بیریشیچه، اوشبو هجوملر نتیجهسیده عیاللر و بالهلر شامل، باشقه بیر قطار کیشی یرهلنگن.
شونینگدیک اسرائیل اردوسی، لیتانی دریاسی شمالیده جایلشگن حبوش منطقهسی یشاوچیلریگه، جبری بوشهتیش دستورینی بیرگن.
شوندهی بیرحالده، حزباللهنینگ اعلام قیلیشیچه، لبنان ایچیده اسرائیل کوچلری و حربی واسطهلریگه قرشی هجوملرینی دوام بیریب و بیرته مرکاوا تانکی، باشقه نیچهته حربی جهازی همده صور منطقهسیده اسرائیل کوچیلرینی نشانگه آلگن.
لبنان ساغلیقنی سقلش وزیرلیگینینگ اعلام قیلیشیچه، ۲-مارچ ده توقنشوولر باشلنگنیدن بویان، ایکی مینگ ۶۱۸ کیشی اولیب و سکیز مینگ ۹۴ کیشی یرهلنگن.
