بیرلشگن ملتلر تشکیلاتی باش‌کاتبی آنتونیو گوترش، ایران و اسرائیل دن اوز ارا هجوملری‌نینگ توخته‌تیشلرینی ایسته‌گن.
گوترش، بوگون ایرته‌لب (۲۴-جوزا، شنبه)، اکس صحیفه‌سیده «شونچه ییتر» دیب یازگن.
او ایران‌نینگ هسته‌ای قوریلمه‌لری‌گه اسرائیل آرقه‌لی اویوشتیریلگن راکته هجوملری و تهران‌نینگ جواب اوله‌راق تل‌آویو گه اویوشتیرگن راکته هجومی‌گه اشاره قیلیب و اورغولشیچه، حاضر بو وضعیت‌نینگ توخته‌تیلیش وقتی دیر.
بیزلرنینگ «ایکس» ترماغی ده هم تعقیب قیلینگ!
بیرلشگن ملتلر تشکیلاتی باش‌کاتبی، پیامی‌نینگ باشقه بیر بولیمی‌ده تهران و تل‌آویو رسمی‌لریگه خطاب قیلیب و یازیشیچه، «تینچ‌لیک و دیپلماسی‌نینگ غلبه قازانیشی کیره‌ک.»
آنتونیو گوترش‌نینگ اوشبو بیاناتی، تهران و تل‌آویو آره‌سیده‌گی کیسکین‌لیکلردن ایکی کون بولگنی بیرحالده، بیان بولگن. اسرائیل ۲۳-جوزا، جمعه کونی ایرته‌لب، تهران شامل ایران‌نینگ بیر قطار بولیم‌لری‌گه هوا هجوملرینی اویوشتیرگن.
رسمی گزارشلر اساسیده، مذکور هجوملر نتیجه‌سیده، ایران‌نینگ کمیده تورت ته ییریک حربی قوماندانی و بیرقطار هسته‌ای عالم‌لری اولگن.
بیزلرنینگ فیسبوک صحیفه‌میزگه باش اورینگ!
ایران بو هجوملرگه جواب اوله‌راق جمعه کیچه اسرائیل حدودلری‌گه بیر قطار راکته هجوملرنی باشله‌گن.
ایران ییتکرمه‌لری‌نینگ گزارشی بیریشیچه، بوگون ایرته‌لب مذکور مملکت‌نینگ بیر قطار بولیم‌لری‌ده نیچه پارتلش سیسی ایشیتیلگن.
شونده‌ی بیرحالده، خلق‌ارا ییتکرمه‌لردن قطاری هم اسرائیل‌نینگ بیر قطار بولیم‌لری‌گه ایران‌نینگ راکته هجوملری دوامی‌دن خبر بیرگن.
