ایران و امریکا خلیج فارسده توقنشوولر توختهتیلیشی و هرمز بوغوزی بوییچه کیلیشماوچیلیکلر توغریسیدهگی مذاکرهلرنینگ قیته باشلنیشیگه کیلیشگنلر.
رویترز آژانسینینگ بوگون (۸-سرطان/۲۹-جون، دوشنبه)، امریکالیک بیر رسمیدن نقل قیلیب گزارش بیریشیچه، اوشبو ینگی کیلیشوو تینچلیک بیتیمی سقلهنیشی اوچون امیدلرنی کوپهیتیرگن.
امریکانینگ اوشبو رسمیسی گه کوره: «بیتیم یادداشتی بولیملرینینگ برچهسی حقیده فنی مذاکرهلر دوام قیلهدی. ایکی تامان حاضر کیسکینلیکلر کوچهیشینینگ آلدینی آلیشلری ممکن همده کیمهلر هرمز بوغوزیدن آزاد شکلده اوتیب قیته آلهدی.»
ایلک مرته توقنشوولر توختهگنی خبرینی ترقهتگن آکسیوس خبری پایگاهسی، امریکانینگ ییریک بیر رسمیسیدن نقل قیلیب گزارش بیریشیچه، مذاکرهلر سهشنبه قطر ده قیته باشلنهدی.
مذاکرهلرگه قیتیش، قرشی هجوملردن نیچه کون اوتگچ، عملگه آشیریلگن. اوشبو کیسکینلیکلر پنجشنبه کونی هرمز بوغوزیده بیر کیمه گه ایران آرقهلی هجوم بولگنیدن کیین باشلنگن. اوندن کیین تهران و واشینگتن بیر بیرینی ۱۷-جون وقتینچهلیک آتیش کیسین نقضیگه عیبلهگن.
