ایراننینگ اعلام قیلیشیچه، سیریک شهری و قشم جزیرهسیگه اویوشتیریلگن امریکا هجومیگه جواب اولهراق کویت و بحرین تامان ییتی بالستیک راکته آتگن.
ایران سپاه پاسداراننینگ بوگون (۱۶-جوزا/۶-جون، شنبه)، بیر بیانیه آرقهلی ایتیشیچه، منطقه ده «دشمن پایگاهلری» گه قیلینگن هجوملر ایران توپراغیگه قرشی «امریکانینگ حربی هجومی» گه جواب اولهراق عملگه آشیریلگن.
شونینگدیک مذکور نهادنینگ آگاهلنتیریشیچه، هجوملر دوامی صورتده، هرمز بوغوزینینگ بوتونلی یاپیلیشی ممکن.
مذکور اوزگریشلر امریکا اردوسی هرمز بوغوزی یولیده ایراننینگ هجومچی پهپادلرینی توختهتگنی و اَیریم رادار قوریلمهلرینینگ نشانگه آلگنینی معلوم قیلگنیدن بیر نیچه ساعت اوتگچ، یوز بیرگن.
هومز بوغوزی، خلقارا دینگیز تجارتی همده نفت اوتهدیگن اینگ مهم قتناو یوللردن بیری حسابلهنیب و ایران گه امریکا بیلن اسرائیلنینگ هجوملریدن کیین، بو یولدن اوتیب-قیتیش قیینچیلیک بیلن روپهره بولگن.
