بدخشان محلی مسئوللرینینگ ایتیشلریچه، طالبان بدخشان ولایتی نینگ جرم تومنیده محلی پولیس نینگ بیر قومندانی شامل باشقه ۱۰ کیشی نی اولدیرگن.
بدخشان ولایت کینگش اعضاسی عبدالله ناجی نظرینینگ ایتیشیچه، مذکور ولایت جرم تومنی نینگ پل کیبلی منطقهسیده، طالبان گروهی نینگ بیر پسترمه نتیجهسیده محلی پولیس قومندانی سیدعمر شامل ۱۰ محلی پولیس هلاک ایتیلگن.
غیر دولتی بیر منبع کیم لیگی سیر قالیش نی ایستهب ایتیشیچه، بو پسترمهده محلی پولیسلردن ۱۲ تهسی هلاک و باشقه ۱۰ تهسی تن جراحت کوتارگن.
اونگه کوره، طالبان جنگریلری ۴ محلی پولیسنینگ اوزلری بیلن آلیب کیتگن.
بدخشان ولایت کینگش اعضاسی احمد جاوید مجددینینگ ایتیشیچه، بیرینچیده طالبان گروهی امنیتی کوچلرنینگ پوستهسیگه هجوم قیلیب و پوستهنینگ اوز نظارتلریگه آلگندن کیین، محلی پولیس قومندانی عمر و اونینگ عسکرلریگه پسترمه قویگن.
جناب مجددیگه کوره، بو آتیشمهلرده ۱۵ محلی پولیس یرهلنگن و یرهدارلردن قطاری نینگ ساغلیک وضعیتی یخشی ایمس.
طالبان گروهی نینگ سوزلاوچیسی ذبیحالله مجاهد، امنیتی کوچلرنینگ ۶ پوستهسینی اوز نظارتلریگه آلگنیدن خبر بیرگن.
اونگه کوره، بو آتیشمهلرده سیدعمر و امینالله ناملی ایکی محلی پولیس قومندانی شامل ۱۸ محلی پولیس هلاک ایتیلگن.
بدخشان امنیتی مسئوللری حاضرگچه بو توغریده هیچ بیر فکر بیلدیرمهگن.