بدخشان ولایتیدن امنیتی منبع‌لرنینگ ایتیش‌لریچه، اوشبو ولایت نینگ خواهان تومنی‌نی پولیس قومندانی شامل حربی کوچلردن ۵۰ ته‌سی طالبان قمراویگه قرار تاپگن.
مذکور منبع‌لرگه کوره، خواهان تومنیده امنیتی کوچلر و طالبان آره‌سیده آتیشمه‌لرنی دوامی بار و بیرقطار منطقه‌لر طالبان نظارتی‌گه اوتگن.
منبع نینگ کوپه‌یتیریشیچه،، خواهان تومنیده کمکی کوچ یوباریلمه‌گن صورتده، بوتون امنیتی کوچلرنینگ طالبان قولیگه اسیر بولیشی ممکن.
عین‌حالده، بدخشان پولیس قومندانلیگی سوزلاوچیسی ثناالله روحانی، اوشبو ولایت نینگ خواهان تومنیده آتیشمه نینگ دوامی بولگنی‌نی تصدیق‌لگن.
جناب روحانی‌گه کوره، امنیتی کوچلر اوز پوسته‌لریگه قرار تاپگن و چیقیش اوچون بوتون یول‌لر باغلنگن.
اونینگ ایتیشیچه، بدخشان محلی حکومتی هوایی یاردم ایسته‌گن. اونینگ کوپه‌یتیریشیچه، طالبان گروهی سونگی کونلرده هجوم‌لرینی کوپه‌یتیرگن.
بدخشان مملکت شمال – شرقی ده جایلشگن ناتینچ ولایت‌لردن بیری دیر و طالبان گروهی بو ولایت نینگ کوپ قطار منطقه‌لریده فعالیت قیله‌دی.