نوار غزه ده طبی منبعلرنینگ اعلام قیلیشیچه، اسرائیل آرقهلی نوار غزهنینگ بیر قطار بولیملریگه اویوشتیریلگن اینگ ینگی هجوملرده، بالهلر و عیاللر شامل کمیده ییتی فلسطینلیک قربان بولگن.
الجزیره خبری ترماغینینگ بوگون (۲۶-ثور/ ۱۶-می، شنبه)، گزارش بیریشیچه، مذکور هجوملر نتیجهسیده، باشقه ۴۵ کیشی یرهلهنیب و اولردن قطارینینگ احوالی آغیر دیر.
شوندهی بیرحالده، اسرائیل باشوزیری بنیامین نتانیاهو همده مدافعه وزیری اسرائیل کاتز، قوشمه بیر بیانیه آرقهلی غزه ده حماس حربی بولیمی باشلیغی عزالدین الحداد گه قرشی هجوم اویوشتیرگنینی معلوم قیلگن.
نتانیاهو و کاتزنینگ بیانیهسیده کیلیشیچه، الحداد «مینگلب اسرائیللیک تینچاهالی همده اسرائیل حربی خذمتچیلرینی اولدیریش، اوغیرلش و یرهلش اوچون جوابگر بولیش» سبب، نشانگه آلینگن.
حماس حاضرگچه، بو توغریده هیچ بیر نرسه دیمهگن.
