امریکاقوشمه ایالتلری‌نینگ نیویورک شهری بروکلین حدودیده اوچ قبتلی بیر بنا قوله‌گن و اونینگ نتیجه‌سیده ایکی کیشی اولگن و ینه ۱۹ کیشی جمله‌دن ییتی باله یره‌لنگن.
رویترز گه کوره، واقعه ۲۰ عقرب/۱۱ نومبر، چهارشنبه کونی بروکلین فلت‌بوش حدودیده یوز بیرگن.
معلوماتلر اساسیده، حادثه‌دن تخمیناً ایکی-ایکی یریم ساعت اوتیب ویرانه‌لر آستیدن کمیده تورت کیشی تیریک حالده قوتقریب آلینگن و اولر آره‌سیده حامله‌دار عیال هم بولگن.
نیویورک محلی رسمی‌لری‌نینگ ایتیشیچه، حادثه سببلی ویرانه‌لر آستیده ینه آدملر قالیب کیتگن بولیشی ممکن. قیدیرو-قوتقرو ایشلری دوام ایتماقده، بنانینگ قولشیگه سبب بولگن اساسی عامل‌نی انیقلش اوچون هم تیکشیرو ایشلری باشلنگن.
