رویترز آژانسینینگ بوگون (۱۰-جوزا/۳۱-می، یکشنبه)، گزارش بیریشیچه، امریکانینگ واشینگتن ایالتیده کیمیایی مادهلر سقلنهدیگن ذخیرهنینگ یاریلگنی عاقبتیده یوز بیرگن واقعه قربانلری سانی، ۱۱ کیشیگه آشگن.
بوندن آلدین اوشبو واقعه نتیجهسیده ایکی کیشینینگ اولگنی تصدیقلنگندی و حاضر ایسه یاردم بیرووچی و قوتقروو کوچلری آرقهلی باشقه ۹ کیشینینگ جسدلری تاپیلیب و اولگنلر سانی کوپهیگن.
مذکور واقعه اوتگن هفته سهشنبه کونی «نپون داینویو پکیجینگ» شرکتیده، «وایت لیکور» اسملی کیمیایی ماده سقلنگن بیر ذخیرهنینگ یاریلگنی پیتده، یوز بیرگن.
اوت اوچیرووچی و «کاولیتز ۲» منطقهسینینگ یاردم بیرووچی رسمیلریگه کوره، مذکور ذخیرهده قریب ۳.۴ میلیون لیتر، کیمیایی ماده بار ایکن.
تیکشیروولر اساسیده، افلاسلیک «کلمبیا» یقینیدهگی دریا گه هم بارگن، لیکن حاضرگچه «لانگویو» شهرینینگ هوا یا-ده ایچیملیک سووی صفتیگه سلبی اثر ییتیشگنیدن گزارش بیریلمهگن.
