امرکا قۉشمه ایالتلرینینگ تنسی ایالتیده حربی قورال ایشلب چیقریش ایشخانهسیده صادر بولگن کوچلی پارتلشده ۱۹ کیشی یوقالگن و محلی رسمیلر بو آدملر هلاک بولگن بولیشی ممکنلیگینی ایتیشگن.
خلقارا یېتکرمهلر، ۱۹-میزان، شنبه کونی ترقهتگن گزارشلریده، اوشبو پارتلش اوتگن کون تنسی ایالتینینگ تینچ اهالی یشهیدیگن حدودلریده یوز بیرگنینی معلوم قیلگنلر. محلی رسمیلر بو واقعهنی «ویرانکار» دیب اتهگنلر.
اوشبو ایالتنینگ فوقالعاده وضعیتلر باشقرو اداره سۉزلاوچیسی، واقعه قوتقرو کونلری تامانیدن نظارت آستیگه آلینگن و قوشیمچه پارتلشلر خوفی برطرف ایتیلگنینی معلوم قیلگن.
پارتلشنینگ اساسی سببی حلی انیقلنمهگن، محلی رسمیلرنینگ ایتیشیچه، تېکشیرولر بیر نیچه کون دوام ایتیشی ممکن.
مکیووِن شهریده جایلشگن بو حربی قورال ایشلب چیقرووچی ایشخانه، امریکانینگ جنوبدهگی پارتلاوچی مادهلر ایشلب چیقیش و سیناودن اوتکزیش بوییچه مهم مرکزلردن بیری حسابلنهدی.
