بیرلشگن ملتلر تشکیلاتی جمعیت صندیغی‌نینگ آسیا و اقیانوسیه بوییچه منطقه‌یی مدیری پیو اسمیت‌گه کوره، افغانستان گه امریکا نقدی یاردم‌لری توخته‌تیلگنی، افغانستان‌نینگ میلیون‌لب اهالی‌‌سی اینیقسه عیاللر اولیمی و جبرلنیشی‌نینگ کوپه‌یتیریشی ممکن.
او، بو موضوع‌نی رویترز آژانسی بیلن اوتکزگن صحبتی‌ده بیان قیلیب و کوپه‌یتیریشیچه، ۲۰۲۵-ییل‌دن ۲۰۲۸-ییل‌گه قدر بو وضعیت‌نینگ دوام قیلگنی، بیر مینگ ۲۰۰ آنه‌نینگ اولیمی‌گه سبب بوله‌دی. «لایحه‌لر‌یمیز‌نینگ مالی تامین‌لنمه‌گنی صورت‌ده، عیاللر یالغیز و ناساغلام شرایط‌ده توغیش‌گه مجبورلر. چقه‌لاقلر آلدی آلینیشی امکان‌سیز بولگن سببلر اوچون جانلرینی قولدن بیریشلری ممکن.»
بیزلرنینگ فیسبوک صحیفه‌میزگه باش اورینگ!
بیرلشگن ملتلر تشکیلاتی اوشبو رسمی‌‌نینگ اورغولشیچه، امریکا یاردم‌لری توخته‌تیلگنی و دوالنیش مرکزلر یاپیلیشی سبب، افغانستان ده توقیز میلیون‌دن آرتیق کیشی و پاکستان ده‌گی افغانستان‌لیک مهاجرلردن بیر میلیون ۲۰۰ مینگ کیشی‌نینگ ساغلیق خذمت‌لردن فایدهلنه آلمسلیگی ممکن.
بولرگه علاوه، ولایت‌لردن قطاری‌ده‌گی عیاللر منطقه‌لریده طبی خذمت‌لر کم‌لیگی یا-ده یوقلیگی‌دن شکایت قیلیب و ایتیشلریچه، بو وضعیت حامله عیاللر و اولرنینگ چقه‌لاقلری اولیمی‌گه سبب بولگن.
هرات‌نینگ غوریان تومنی یشاوچیسی ثریا‌گه کوره: «بوندن آلدین شفاکارلر معاینه قیلیب و دارو بیره‌ر ایدی؛ حاضر ایسه دارو یوق؛ عیاللر چقه‌لاقلرینی اوی‌ده دنیا گه کیلتیره‌دیلر. بعضا بو قیین‌چیلیک آنه و چقه‌لاق‌نینگ اولیمی‌گه سبب بوله‌دی.»
بیزلرنینگ «ایکس» ترماغی ده هم تعقیب قیلینگ!
غزنی ولایتی جغتوی تومنی یشاوچیسی زینب‌نینگ ایتیشیچه، وقتی‌ده دوالنیش خذمت‌لردن فایدهلنه آلمسلیک، اولر حیاتی‌نی تهدید قیله‌دی. «کلینیک یوق؛ کوپ اوزاق دیر و کلینیک‌ده دارو یوق؛ برچه کسل گه دارو بیره‌دیلر و معاینه قیلمه‌یدیلر.»
بیرلشگن ملتلر تشکیلاتی جمعیت صندیغی، جاری هفته دوشنبه کونی بیر گزارش آرقه‌لی اعلام قیلیشیچه، افغانستان‌لیک عیاللر منطقه‌لریده تینچ و فایده‌لی طبی خذمت‌لرگه قول تاپه آلمسلیک سبب، اولیم خوفی آستیده قرار تاپگن.
