غزنی ساغلیق نی سقلش ریاستی مسئوللری اینگ یقین زمان‌ده اوشبو ولایت‌ده ۱۵ ساغلیق مرکز ایجاد بولینیشی‌دن خبر بیرگنلر.
غزنی ساغلیق نی سقلش رئیسی رسول‌خان نظری نینگ سلام‌وطندار گه ایتیشیچه، اوشبو ساغلیق مرکزلر بیرلشگن ملت‌لر تشکیلاتی نینگ اهالی نی رویخط گه آلیش اداره‌سی یا-ده «UNSPA» بودجه‌سی بیلن، مذکور ولایت نینگ اوزاق بولیم‌لری و تومن‌لریده توزه‌تیلیشی ممکن.
اونگه کوره، هر بیر ساغلیق مرکز سکیز اتاق گه ایگه بولیب و اونینگ ترکیبی گه بیر قابله هم نظر گه آلینگن.
بیزلرنینگ توییترده هم تعقیب قیلینگ!
نظری نینگ کوپه‌یتیریشیچه، مذکور ولایت اوزاق تومن‌لریده اوشبو درمانی مرکزلر نینگ توزه‌تیلیشی بیلن، ۳۰ مینگ‌دن آرتیق کیشی نینگ ساغلیق خذمت‌لر گه قول تاپیش زمینه‌سی یره‌تیلیشی ممکن.
شونده‌ی بیرحالده، غزنی یشاوچیلریدن قطاری، مذکور درمانی مرکزلر ایجاد بولینیشی‌دن خورسند‌لیک بیلدیریب ایتیشلریچه، اوشبو ولایت‌ده ساغلیق مرکزلر و ملکه‌لی شفاکارلر یوقلیگی، اوزاق تومن‌لرده اولیم میزانی اینیقسه آنه‌لر و چقه‌لاق‌لر اولیم میزانی کوپه‌یشی گه سبب بولگن.
غزنی یشاوچیلریدن جمیله نینگ ایتیشیچه: «منطقه‌لریده کلینیک‌لر نینگ اوزاق بولگنی سبب، آنه‌لردن کوپینچه‌سی کلینیککه باره آلمه‌یدی، انه شوو سبب اوی‌ده ولادت قیله‌دیلر که، یا اوزلری یا-ده چقه‌لاق جانی خطر ده.»
شونینگدیک غزنی یشاوچیلریدن باشقه بیری محمد رحیم نینگ ایتیشیچه: «اینیقسه ناوور، جاغوری، مالستان، نامه و اجرستان تومن‌لری‌ده‌گی یشاوچیلر، ساغلیق مرکزلر گه قول تاپه آلمه‌سلیک‌لری سبب، قیش موسومی‌ده کسل‌لر تلف بوله‌دی. تیزلیککه غزنی ده ۱۵ کلینیک نینگ توزه‌تیلیشی نی کوتیب تورگن‌میز که، بو رقم یشاوچیلر ساغلیق خذمت‌لر گه قول تاپسین‌لر.»
غزنی یشاوچیلری مذکور سوزلر نینگ تیزلیککه عمل گه آشیریلیشی و مذکور ولایت‌ده تیزلیککه کلینیک‌لر ایجاد بولیش پروسه‌سی نینگ باشلنیشی نی کوتیب تورگنلر.
بیزلرنینگ فیسبوک صحیفه‌میزگه باش اورینگ!
باشقه بیر تامان‌دن، غزنی ده مدنی فعال‌لردن قطاری، سرپرست حکومت و ساغلیق بولیمی‌ده همکار نهاد‌لردن، ساغلیق مرکزلر نینگ جهازلش زمینه‌سیده توجه قیلیش‌لری نی ایسته‌گن.
غزنی ده مدنی فعال‌لردن شفیق‌الله قاری‌زاده نینگ ایتیشیچه: «اوشبو کلینیک‌لر نینگ توزه‌تگنلری صورت‌ده، امکانیت‌لر نی هم یره‌تیش‌لری کوتیب تورگن‌میز. چونکه بعضی کلینیک‌لریمیز بار که امکانیتی یوق. میری کلینیک کبی، کسل بولگنی پیتده، بیر ته پراستامول یا-ده کوتریموکسازول بیره‌دی و توزله‌سین دیه‌دیلر. ساغلیق مرکز ایجاد قیلگنلری صورت‌ده، عم دارو و هم ده امکانیتی نی برابر قیلیش‌لری کیره‌ک.»
ایتیش کیره‌ک که، حاضر ایسه غزنی مرکزی و ۱۸ تومنی‌ده ۱۹۶ ساغلیق مرکز نینگ فعالیتی بار؛ بیراق مذکور ولایت نینگ جمعیت و مساحتی گه قره‌گنده، بو مرکزلر ییترلی بولمه‌ی و اوزاق تومنلر یشاوچیلری دایم ساغلیق مرکز و ملکه‌لی شفاکار یوق‌لیگی‌دن شکایت قیلگنلر.
