بلخ ده اونلب عیال اینیقسه بلخ بیلیم یورتی اوقووچیلری، بوگون (دوشنبه، ۱۱-میزان) کابل غربیده کاج تعلیمی مرکزی گه اویوشتیریلگن هجوم گه قرشی عکس‌العمل کورستیب، اعتراض قیلگنلر.
اعتراض قیلووچیلر «هزاره‌لر نینگ اولدیریلیشی نی توخته‌تینگ»، «تعلیم حقی‌میز دیر»، «امنیت حقی‌میز دیر» و «آزادی حقی‌میز دیر» شعارلری بیلن عدالت تامین بولیشی نی ایسته‌گنلر.
بیراق اسلامی امارت کوچلری اوشبو اعتراض‌لر گه توسیق بولگن دیر.
شونده‌ی بیرحالده، بلخ بیلیم یورتی‌دن بیر منبع نینگ سلام‌وطندار گه ایتیشیچه، بلخ خوفسیزلیک کوچلری، معترض عیال‌لردن قطاری گه قوشیلمه‌یشلری اوچون قیزلردن قطاری نی بلخ بیلیم یورتی نینگ بنا‌سیده حبس قیلگنلر.
بیزلرنینگ فیسبوک صحیفه‌میزگه باش اورینگ!
عین حالده، بلخ امنیه قوماندانلیگی سوزلاوچیسی محمد‌آصف وزیری نینگ ایتیشیچه: «بیر گروه یا-ده نهاد تامانیدن ناراض‌لیک بیر نمایش یولگه قوییلگن صورت‌ده، ولایت نینگ امنیه قوماندانلیگی جریان‌ده بولیشی کیره‌ک. اعتراض قیلووچیلر، خوفسیزلیک کوچلر یا-ده قوماندان‌لیک بیلن هم‌آهنگ‌لیک قیلمه‌گنلر.»
اونینگ ایتیشیچه، انه شوو سبب خوفسیزلیک کوچلر عیاللر نینگ اعتراضی گه توسیق بولگن.
وزیرلی رسانه‌لردن اعتراض خبری نی نشر قیلیش اوچون محل گه بارمه‌یشلری نی ایسته‌گن.
شونده‌ی بیرحالده، قیزلردن بیری کیم‌لیگی سِر قالیش نی ایسته‌ب ایتیشیچه، اسلامی امارت کوچلری تامانیدن قیزلردن قطاری قولگه آلینگن.
شونینگدیک اوتگن کون هرات و بامیان بیلیم یورت قیز طلبه‌لریدن قطاری، کاج تعلیمی مرکزی گه اویوشتیریلگن هجوم اوچون اعتراض قیلگنلر.
هرات بیلیم قیز طلبه‌لریدن قطاری اوتگن کون ۱۰-میزان بیلیم یورت برابریده، «تعلیم حقی‌میز دیر»، «نسل کش‌لیککه چیک قویینگ» و «جیم‌توریش خیانت دیر» شعارلری نی ایتیب، تعلیمی مرکزلر گه هجوم توخته‌تیلیشی نی ایسته‌گنلر.
معترض‌لر نینگ ایتیش‌لریچه، هرات ولایتی دفتری تامان حرکت قیلگن‌لری پیتده، اسلامی امارت کوچلری هوایی اوق آتیش بیلن اولر گه توسیق بولگن و شونینگدیک قیزلردن قطاری نی کلتک‌لب و قولگه آلگن.
معترض‌لر کابل غربیده کاج تعلیمی مرکزی گه اویوشتیریلگن هجوم‌دن نفرت‌لری نی بیلدیریشلری یانیده، اسلامی امارت و دنیا جماعه‌دن تعلیمی مرکزلر امنیتی تامین بولیب و افغانستان ده نسلکشلیک دوامی گه چیک قویلیشی نی ایسته‌گنلر.
کاج تعلیمی مرکزی گه اویوشتیریلگن هجوم گه قرشی عکس‌العمل‌لر دوامی‌ده، بامیان‌ده هم قیزلر طلبه‌لر و عیال حقوق فعال‌لری‌دن قطاری اوتگن کون ۱۰-میزان کابل نینگ دشت برچی ساحه‌سیده‌گی کاج تعلیمی مرکزی گه اویوشتیریلگن هجوم گه قرشی عکس‌العمل بیلدیریب و اعتراض قیلگنلر.
معترض قیزلردن قطاری کاج تعلیمی مرکزی گه اویوشتیریلگن هجوم نی قاره‌لب و دنیا جماعه‌دن افغانستان ده «هزاره‌لر نسل‌کش‌لیگی» نینگ رسمیت گه تانیلیشی نی ایسته‌گنلر.
معترض‌لردن بیر حمیده محسنی گه کوره، کاج تعلیمی مرکزی گه اویوشتیریلگن خودکش هجوم، «هزاره‌لر نینگ نسل‌کش‌لیگی» نی بیلدیره‌دی.
بیزلرنینگ توییترده هم تعقیب قیلینگ!
شونینگدیک بوندن آلدین، عیاللر و کاج تعلیمی مرکزی‌ده‌گی اوقووچی قیزلردن قطاری شنبه کونی ۹-میزان اوشبو تعلیمی مرکز گه اویوشتیریلگن هجوم گه قرشی دشت‌برچی سرک‌لری گه چیقیب و اعتراض قیلگنلر.
اسلامی امارت خوفسیزلیک کوچلری، اوشبو اعتراض‌لر نی هوایی اوق آتیش بیلن سرکوب قیلیب و خبرچی‌لر گه رخصت بیرمه‌گنلر.
اولر «نسلکشلیک جنایت دیر، جیم توریش جنایت دیر»، «بیز بیر‌میز، بیز بیلن قوشیلینگ» و «هزاره‌لر نسل‌کش‌لیگی نی توخته‌تینگ» شعارلری نی ایتگنلر.
جمعه کونی کاج تعلیمی مرکزی گه اویوشتیریلگن هجوم‌ده، سونگی آمار اساسیده، ۴۳ کیشی هلاک و ۸۳ کیشی ایسه یره‌لنگن.
یوناما، بوگون (دوشنبه، ۱۱-میزان) اوشبو آمار نی هماهنگ قیلیش بیلن ایتگن که، مذکور آمار کوپه‌یماقده دیر.
