جوزجان ده بیر عیال، قالین توقیش ایشخانهسی نی ایجاد قیلیش بیلن، ۸۰ عیال گه ایش زمینهسی نی یرهتگن.
جوزجان مرکزی شبرغان شهریده قالین توقیش ایشخانه مسئولی منیژه نینگ سلاموطندار گه ایتیشیچه، اوشبو ایشخانه نینگ ایجاد قیلیشیدن مقصد، سرپرستسیز و ناگران عیاللر گه ایش زمینهسی یرهتیلیشی عنوان قیلگن.
بیزلرنینگ فیسبوک صحیفهمیزگه باش اورینگ!
منیژه نینگ کوپهیتیریشیچه، جوزجان مرکزی شبرغان شهریده ۱۵۰ مینگ افغانی خرهجت بیلن قالین توقیش ایشخانهسی نی ایجاد و ۸۰ عیال گه ایش زمینهسی نی یرهتگن.
اوشبو عیال سرپرست حکومتدن، قالین صناعتی رواجلنیشی خصوصیده، قالین گه ماس بازار بیلن تشقی مملکتلر گه قالین نینگ صادر بولیش زمینه یرهتیلیشی نی ایستهگن.
عین حالده، اوشبو ایشخانهده ایش بیلن شغللنگن عیاللردن قطاری، مذکور ایشخانه نینگ ایجاد بولگنی بیلن اولر گه ایش زمینهسی یرهتیلگنیدن خورسندلیک بیلدیریب و باشقه تدبیرکار عیاللردن، عیاللر گه کوپراق ایش فرصتلری یرهتیلیشی نی ایستهگنلر.
جوزجان سوداگرلیک و صناعت ریاست باشلیغی نیازمحمد تواب، اوشبو ولایتده سرمایه یاتقیزووچیلر ایستهکلری گه توجه بولینیشی خصوصیده سعی و حرکت بیلدیرگن.
بیزلرنینگ توییترده هم تعقیب قیلینگ!
جناب تواب گه کوره، حاضر ایسه جوزجان ده ۸۰ ته قالین توقیش ایشخانه نینگ فعالیتی بار و اوشبو ایشخانهلردن کوپینچهسیده عیاللر ایش بیلن شغللنگن.
جوزجان ولایتی آقچه تومنی نینگ سهراهی ساحهسیده، مسئوللر اینگ بویوک قالین پروسیس ایشخانهسی تاسیس بولگنیدن خبر بیرگنلری بیرحالده، اوشبو بیانات مطرح بولگن.