فاریاب ده بیر عیال، شخصی پول بیلن قول صناعتی ایش‌خانه‌سی نی ایجاد قیلیب، اوشبو ولایت‌ده سرپرست‌سیز ۱۰۱ قیز و عیال گه ایش زمینه‌سینی یره‌تگن.
فاریاب ولایتی مرکزی میمنه شهری‌ده «سوده» قول صناعتی ایشخانه مسئولی آزاده هاشمی نینگ سلام‌وطندار گه ایتیشیچه، اوشبو ایشخانه نی عیال‌لردن حمایت قیلیش مقصدیده قورگن. اونگه کوره، سوده ایش‌خانه‌سیده تعلیم‌دن محروم قالگن و عایله سرپرستی بولگن خاتین-قیزلر ایشگه آلینگن.
بیزلرنینگ توییترده هم تعقیب قیلینگ!
بانو هاشمی نینگ کوپه‌یتیریشیچه: «بو ییرده ۲۰ کیشی چرمه‌دوزلیک،۴۰ کیشی مهره‌دوزلیک، ۱۵ کیشی ادرم‌دوزلیک، ۱۵ کیشی تیکووچیلیک بولیمی‌ده ایشله‌یدیلر و شونینگدیک ۱۱ قیز هم ایش اورگنه‌دی و تیکووچیلیک بولیمی نی تیکین شکلده اورگنه‌دیلر. خاتین قیزلرنی قوللب_قوتلش مقصدیده بو ایشخانه نی قورگن من.»
مذکور ایشخانه مسئولی، سرپرست حکومت مسئوللری و مملکت سوداگرلریدن، عیاللر نینگ قول صناعتی رواجلنیشی اوچون، اولردن حمایت ایتیشلرینی طلب قیله‌دی.
شونده‌ی بیرحالده، مذکور قول صناعتی ایش‌خانه‌سیده ایش بیلن تأمینلنگن عیال‌لردن قطاری، خورسند‌لیک بیلدیریب ایتیشلریچه، بو ییرده ایشلش بیلن اقتصادی وضعیت‌لری یخشی بولگن.
بیزلرنینگ فیسبوک صحیفه‌میزگه باش اورینگ!
بیر ییل‌دن بیری سوده ایش‌خانه‌سیده تیکووچیلیک بولیمی‌ده ایشله‌یدیگن عیال‌لردن نرگس سادات نینگ ایتیشیچه: «افغانستان درسی نقطه نظردن ضعیف دیر. حقیقتا کوپینچه پیت ناامید بوله‌من؛ چونکه بیلیم یورت یوق و کورس هم یوق. کیله‌جگیمیز بیللی ایمس. بو ییرده ایش زمینه‌سی یره‌تیلگنی اوچون جوده‌یم خورسند‌من.»
شونینگدیک اوشبو قول صناعتی ایش‌خانه‌سیده تیکووچیلیک بولیمی‌ده ایشله‌یدیگن سدیه نینگ ایتیشیچه، قولگه کیلتیره‌دیگن درآمد بیلن، حیات و باله‌لری نینگ خره‌جتی نی تامین قیله‌دی. «عایله سرپرستی‌من. باله‌لریم گه کتابچه و قلم آله‌من و حیات خره‌جتینی تامین قیله‌من.»
فاریاب ولایتی‌ده عیاللر قول صناعتی ایشلب چیقریش ایش‌خانه‌سیدن حمایت بولینیش حقیده اوشبو ولایت صناعت و سوداگرلیک اتاقی مسئولی نینگ فکر_ملاحظه‌سینی اورگه‌نیشنی ایسته‌دیک؛ بیراق کوپ سعی و حرکت بیلن موفق بولمه‌دیک.
سونگی ایکی ییل‌ده قیزلر و عیاللر نینگ تعلیم و ایش محیطلریدن محروم قالگنلریدن کیین، قیزلر و عیال‌لردن قطاری تورلی ولایت‌لرده، تیکووچیلیک، قول صناعتی ایش‌خانه‌لر و رستورانت ایجاد قیلیش بیلن، کیله‌جک اوچون سعی و حرکت قیلماقده‌لر.
