فاریاب مرکزی میمنه شهری‌ده «توانمند‌سازی نابینایان» مؤسسه اساسچیسی کوزدن عاجز بیر عیال، ییتیم و سرپرست‌سیز ۳۵ عیال و قیز گه ایش زمینه‌سینی یره‌تگن.
کوزدن عاجر خال‌‌بی‌بی همنوا نینگ سلام‌وطندار گه ایتیشیچه، اسلام امیرلیگی حاکمیتیدن کیین، قیزلر و عیال‌لر تعلیم و ایش‌دن محروم بولگن‌لریدن کیین، ییتیم، ناگران و سرپرست‌سیز ۳۵ عیال و قیز گه ایش زمینه‌سینی یره‌تیش قراری گه کیلگن.
بیزلرنینگ فیسبوک صحیفه‌میزگه باش اورینگ!
بانو همنوا گه کوره، مذکور عیال‌لر اوشبو ایش‌خانه‌ده تیکووچیلیک، چرمه دوزلیک، قالین توقیش و چوکی توقیش نی اورگه‌نیب و اوشبو یول آرقه‌لی عایله اعضالری نینگ خره‌جتینی تامینله‌یدیلر.
میمنه شهری‌ده چوکی توقیش بیلن شغلله‌نیب کیله‌یاتگن کوزدن عاجز رخسار نینگ ایتیشیچه، چوکی توقیش بیلن پول قول گه کیلتیره‌دی، بیراق انیق معاشی یوق.
رخسار گه کوره، عیال‌لردن حمایت قیلووچی دفتر‌لر و حکومت قیزلر و سرپرست‌سیز عیال‌لر بیلن همکارلیک قیلیب و اولر نینگ ایش صاحبی بولیش‌لری اوچون پروژه بیریش‌لری کیره‌ک.
شونینگدیک، تیکووچیلیک بولیمیده ایشله‌یدیگن رابعه نینگ ایتیشیچه، ایش‌لری نینگ بازاری اونچه‌لیک قیزیق ایمس، چونکه اهالی نینگ اقتصادی ضعیف دیر و قول صناعتی نی ساتیب آلیش گه کوچلری ییتیشمه‌یدی.
بیزلرنینگ توییترده هم تعقیب قیلینگ!
اونینگ کوپه‌یتیریشیچه، اولر مذکور ایش‌لریدن آز بیر فایده قولگه کیلتیریش‌لری بیرحالده، بیراق بو ایش گه قناعت قیلیب و اسلام امیرلیگی حکومتیدن سرپرست‌سیز و ناگران عیال‌لر نی اونوتمه‌ی و اولردن حمایت قیلیش‌لرینی ایسته‌یدی.
ایتیش کیره‌ک که، اسلام امیرلیگی حاکمیتیدن کیین، عیال‌لر و قیزلردن قطاری ایش و تعلیم‌دن محروم بولگن بیرحالده، بیراق عیال‌لر و قیزلر ایش‌سیزلیک و تقدیر‌سیزلیک‌دن قوتیلیش اوچون قول صناعتی گه یوز کیلتیرگنلر.
