فاریاب سپورت مسئوللری‌نینگ ایتیشلریچه، اوشبو ولایت گرزیوان تومنی‌ده ایکی سپورتچی آرقه‌لی فوتسال میدانی قوریلگن.
فاریاب فوتسال فدراسیون مسئولی محمدکوشا مجیدی‌نینگ ایتیشیچه، «قهرمانان گرزیوان» اسمی آستیده بولگن مذکور فوتسال میدانی، ۴ میلیون افغانی عوضی‌گه قوریلگن.
بیزلرنینگ «ایکس» ترماغی ده هم تعقیب قیلینگ!
جناب مجیدی‌نینگ کوپه‌یتیریشیچه، ۴۳ متر اوزون‌لیگی و ۲۳ متر کینگلیگی بولگن اوشبو میدان، قریب بیر مینگ تماشاچی‌نینگ سیغیش امکانیتی‌گه ایگه دیر.
اوشبو فوتسال میدانی نی قورگن تیمور غفوری و خال محمد اسملی سپورتچیلر، بو ایش‌دن مقصد فوتبال و فوتسال اویین‌لری رواجلنیشی و ییگیت‌لر‌نینگ سپورت‌گه قیزیقیشی دیگنلر.
بیزلرنینگ فیسبوک صحیفه‌میزگه باش اورینگ!
ایتیلیشچه، مذکور یاش سپورتچیلر اوشبو فوتسال میدانی‌نی افتتاح قیلیش بیلن گرزیوان تومنی‌ده ۱۶ جماعه‌نینگ اشتراکی‌ده «جام قهرمانان» اسمی آستیده بیر دور فوتسال بیللشوو‌لرینی اوتکزگنلر.
