مملکت معارف وزیرلیگی سرپرستی بیر هیئت ییتکچیلیگیده جوزجان ولایتی گه قیلگن رسمی سفری دایره‌سیده، اوشبو ولایت ده بیر مکتب نینگ فایده‌لنیشگه تاپشیرگن.
مملکت معارف وزیرلیگی سرپرستی حبیب‌الله آغا مذکور مکتب نی فایده‌لنیشگه تاپشیریش مراسمی ده ایتیشیچه، ملَکه‌لی و مسلکی کیشی‌لر آزلیگی باعث چیت ایل متخصص‌لری گه نیاز آشگن، اوقووچیلر و طلبه‌لر چیت ایل ده‌گی متخصص‌لر گه نیازمندلیک‌لرنی کمه‌یتیریش اوچون ستندرد و زمانه‌وی اسلوب‌لر اساسیده تعلیم و تحصیل قیلیش‌لری کیره‌ک.
معارف وزیرلیگی سرپرستی، مملکت بویلب معارف ساحه‌سیده برچه نیازمندلیک و قیینچیلیک‌لر حل ایتیلیشیدن ایشانچ بیریب و معارف وزیرلیگی ایشیگی برچه یوزی گه آچیق دیگن.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «زمانه‌وی و دینی تعلیم مملکت ترقیاتی و دنیا اولکه‌لری گه ییتیشیش اوچون مهم دیر، اولر تکنالوژی بیلن کوککه چیقدیلر و بیز حاضر ییرده اولتیریب میز، ییردن توریب کوک بیلن مقابله قیلیش ممکن‌سیز دیر، حاضرگی عصر ده تکنالوژی ترقی قیلگن، بیراق بیز کیینگه قالیب و ییرده یخشی یورآلمه‌ی میز، یخشی سرکی‌میز، برقی‌میز یوق و سویچی باشقه‌لر قولیده دیر.»
معارف وزیرلیگی سرپرستی حبیب‌الله آغا گه کوره، حاضر ده‌گی خلاق طلبه‌لر اوچوچی‌سیز اوچاق توزه‌تیب و زمانه‌وی اوسکونه‌لرنی پلاستیک قیلماقده‌لر، اولر قوللب_قوتلنیب و تعلیم زمینه‌سی یره‌تیلگن تقدیرده، زمانه‌وی امکانیت‌لرنی توزه‌تیش‌لری ممکن.
او نینگ ایتیشیچه: «امریکا، ایران، پاکستان و روسیه یورتی‌میز توزه‌تمه‌یدی اوزیمیز توزه‌تیشیمیز ممکن، اولر اوز غایه‌لرینی ایزله‌یدی، بیز اویغاغ و اتفاق بولیشی‌میز درکار.»
مذکور مراسم ده جوزجان معارف باشلیغی محمدطاهر جواد گه کوره، اوشبو مکتب نبنگ بناسی جوزجان ولایتی آقچه تومنیده فرهنگ‌سیور بیر کیشی تامانیدن قوریلیب و بوگون مملکت معارف وزیرلیگی سرپرستی تامانیدن فایده‌لنیشگه تاپشیریلگن.
او نینگ کوپه‌یتیریشیچه، ۳۲ صنف لیک مذکور مکتب ایکی قووت ده پخته و اساسی شکلده ۲۰۰ مینگ دالر خرجت بیلن قوریلگن و ایکی تایم ده بیر مینگ ۵۰۰ اوقووچی سیغه‌دی.
بیزلرنینگ «ایکس» ترماغی ده هم تعقیب قیلینگ!
جوزجان معارف باشلیغی گه کوره، «الحاج عبدالله صافی» لیسه‌سی ایکی یریم جریب ییرده قوریلگن، اوغیل و قیز اوقووچیلر ایکی تایم ده تعلیم کوره‌دیلر.
جواد جنابلری نینگ ایتیشیچه، اوروش زمانیده اوشبو مکتب حربی قرارگاه صفتیده قوللنر ایدی، حاضر تعلیم و تحصیل مکانی گه اوزگرگن.
قوم بویوک‌لری و یشاوچیلردن بیرقطاری، مذکور مکتب نینگ بناسی قوریلیشینی خوش قرشی‌لب، ملی سوداگرلر و اسلام امیرلیگی سرپرست حکومتی دن، معارف ساحه‌سیده کوپراق دقت قیلیشینی سوره‌گن.
او نگه کوره: «بیز بوگون باله‌لریمیز گه باش پنه قوریلگنیدن خورسند میز، باله‌لریمیز بوندن آلدین آچیق فضا و کوپ قیینچیلیک بیلن روپه‌ره ایدیلر.»
اوشبو هفته ده جوزجان ولایتیده باشقه بیر مکتب فایده‌لنیشگه تاپشیریلیب و باشقه بیر مکتب نینگ تمل تاشی قوییلگن بیرحالده، قوش‌تیپه تومنیده مذکور مکتب بناسی فایده‌لنیشگه تاپشیریلگن.
