فراه قاچقینلر ریاستیده مسئوللرنینگ ایتیشلریچه، اوشبو ولایت مرکزی «چهارباغ» قیشلاغیده، ایکی قوتلی قیزلر مکتبینینگ قوریلیش ایشی یکونلهنیب و فایدهلنیشگه تاپشیریلگن.
فراه قاچقینلر ریاستی باشلیغی عبدالرحمان حبیبزینینگ ایتیشیچه، بو مکتب بیرلشگن ملتلر تشکیلاتی قاچقینلر ایشلری بوییچه عالی کمیساری آرقهلی ۳۴۵ مینگ دالر عوضیگه قوریلگن.
حبیبزیگه کوره، بو مکتب ۱۶ صنف، ۱۰ ته ستندرد حاجتخانه، ۲۷۵ متر دیوار، بیرته قوریقچی اتاقی، ۱۰ کیلووات امکانیت بیلن سولری برق سیستمی، اویین ساحهسی و یشیل ساحه گه ایگه دیر.
بوندن آلدین، بیرلشگن ملتلر تشکیلاتینینگ بالهلرنی قوللب-قوتلاوچی صندیغی (یونیسف)، اوتگن میلادی ییلده افغانستان بویلب ۲۰۰ دن آرتیق مکتبنینگ توزهتیب و قیته قورگنینی معلوم قیلگن ایدی.
