غزنی شهری نینگ «شهرک مهاجرین» ساحه‌سیده جایلشگن عیال‌لر اوچون تیکووچیلیک اورگتیش مرکزی‌ده قریب ۶۰ عیال گه تیکووچیلیک اورگتیش زمینه‌سی فراهم بولگن دیر.
مذکور مرکز گه اشتراک قیلگن ۱۷ یاشر فرزانه علوی نینگ ایتیشیچه، مکتب‌دن محروم بولیش بیلن کیله‌جگی و اقتصادی اوچون تیکووچیلیککه یوز کیلتیرگن دیر.
اونینگ ایتیشیچه: «۱۱-صنف‌گچه اوقیدیم. مکتب‌لر نینگ قیزلر یوزیگه یاپیلیشی بیلن، عایله اقتصادی و امید‌لریمیز اوچون تیکووچیلیککه یوز کیلتیردیک که بو یول‌دن اوزی‌میز نی بیر جای گه ییتیشتیره‌آله‌لیک.»
بیزلرنینگ توییترده هم تعقیب قیلینگ!
مذکور مرکز‌ده‌گی تیکووچیلیک اورگنه‌دیگنلردن باشقه بیری شبانه بیات نینگ ایتیشیچه، لیسانس دیر لیکن عیال‌لر اوچون دولتی اداره‌لرده ایش زمینه‌سی فراهم بولمه‌گنی سبب، تیکووچیلیککه یوز کیلتیرگن.
اونینگ کوپه‌یتریشیچه: «بیر آی‌دن بیری بو ییر گه کیله‌من. فارغ بولگنیمدم کیین، عیال‌لر اوچون بویوک بیر ایش‌خانه توزتیش گه قرار آلدیم که ایشلاوچیلریدن برچه‌سی عیال‌لر بولسین.»
باشقه بیر تامان‌دن، مذکورمرکزده ایش اورگته‌دیگنلردن شهناز چمنی نینگ ایتیشیچه، کونده ایکی ساعت علمی و نظری شکلده تیکووچیلیک نی اورگته‌دی و هرتعلیمی دوری کمیده ۶ آی دیر.
شونده‌ی بیرحالده، مذکور حرفه‌یی مرکز مسئولی حمیدشاه بیات نینگ ایتیشیچه، اوشبو مرکز مکتب‌لری یاپیق قالگن قیز اوقووچیلر نینگ ایسته‌گی اساسیده، ایجاد بولگن دیر.
بیزلرنینگ فیسبوک صحیفه‌میزگه باش اورینگ!
عین حالده، اوشبو ولایت ایش و اجتماعی ایشلر ریاست مسئوللری تیکووچیلیک بولیمی‌ده عیال‌لر ایشی نی عایله‌لر اقتصادی ترقیاتی اوچون فایده‌لی دیب و اوشبو ایش‌دن خورسند‌لیک بیلدیرگن.
غزنی ولایتی ایش و اجتماعی ایشلر ریاستی نینگ ایش آمری سهم‌الله سادات نینگ سلام‌وطندار گه ایتیشیچه، بو کبی مرکز‌لر نینگ اوقیتووچیلریدن کوپ قطاری، ایش و اجتماعی ایشلر وزیرلیگی نیگ حرفه‌یی کورس‌لریدن فارغ بولگنلر.
ایتیش کیره‌ک که، مملکت‌ده اسلامی امارت نینگ قدرت گه ایریشگنی و عیال‌لر گه ایش و تعلیم خصوصیده یره‌تیلگن چیکلاو‌لردن کیین، عیال‌لردن بیر قطاری قیزلر و عیال‌لر نینگ مصروف بولیش‌لری و جماعه‌ده فعالیت قیلیش‌لری اوچون حرفه‌یی ایشخانه‌لر نی یولگه قویگنلر.
