مملکت غرب حوزه‌سیده‌گی مسئوللر نینگ ایتیش‌لریچه، اوتگن کون «مرسی کورپ» موسسه‌سی هرات، قندهار و بلخ ولایت‌لریده عیال‌لر شامل ۱۶۰۰ کیشی گه صناعت و کسب اورگه‌تیش برنامه نی یولگه قوییگن دیر.

افغانستان ده «مرسی کورپ» موسسه مسئولی جک بایرن، اوشبو برنامه نینگ باشلنیشی چاغیده ایتگن که، مذکور برنامه‌دن فایده‌لنگنلر تیکووچیلیک، موبایل تعمیر‌لش، قالین توقیش، آرایش‌گرلیک و باشقه بیر قطار کسب‌لر نی تعلیم کوره‌دیلر.

بیزلرنینگ فیسبوک صحیفه‌میزگه باش اورینگ!

جناب بایرن نینگ کوپه‌یتیریشیچه، اوشبو برنامه‌ده ایش اورگنه‌دیگنلر ۶ آی تعلیم‌دن کیین، ایش گه باشلب و عایله اقتصادی نینگ ترقیاتی اوچون یاردم بیریش‌لری ممکن. اونگه کوره، بو آره‌ده یالغیر هرات‌ده ۳۰۰ عیال شامل ۵۰۰ کیشی اوشبو برنامه گه شرکت قیلگن دیر.

مذکور برنامه گه شرکت قیلگن اجتماعی ایشلر بوییچه ایش وزیرلیگی سرپرستی عبدالولی وارث، خلق‌ارا موسسه‌لر مسئوللریدن، افغان ییگیت‌لر گه ایش تاپیش‌لری اوچون بنیادی برنامه‌لر نینگ یولگه قوییش‌لری نی ایسته‌گن.

اوشبو برنامه‌ده جناب وارث ایشانچ بیرگن که، اولر ایش تاپیش و غیرقانونی مهاجرت‌لردن توسیق بولیش اوچون خلق‌ارا نهاد‌لر بیلن همکارلیک قیلیش‌لری ممکن.

باشقه بیر تامان‌دن، صناعت و کسب اورگتیش برنامه گه شامل بولگن ییگیت‌لردن قطاری نینگ ایتیش‌لریچه، اولر ایش نی اورگنلریدن کیین، عایله‌لری نینگ اقتصادی گه یاردم بیریش‌لری ممکن.

بیزلرنینگ توییترده هم تعقیب قیلینگ!

ینگی‌لیکده مهاجرت‌دن مملکت گه قیتگن و مذکور برنامه گه شرکت قیلگنلردن مرضیه، اوشبو نهاد نینگ تیکووچیلیک کسبی نی اورگنیش بولیمی گه شامل بولیش گه قرار آلگن دیر. اونینگ ایتیشیچه، ایش‌دن فارغ بولگنی‌دن کیین، عایله اقتصادی گه یاردم بیریش اوچون سعی و حرکت قیله‌دی.

هرات‌لیک یاسین ناملی ییگیت، اوتمیش ییل‌ بیلیم یورت‌دن فارغ بولیب و ایش‌سیز دیر. اونینگ ایتیشیچه: «بیر ییل‌دن بیری ایش‌سیزلیک و قشاق‌لیککه روپه‌ره دیر. بو ییرده هیچ ایش یوق. موبایل تعمیر‌لش اوچون کسب و صناعت اورتگنیش برنامه گه شامل بولدیم و اوشبو یول‌دن عایله نفقه‌سی نی تامین‌لش اوچون سعی و حرکت قیله‌من.»

شونینگدیک اوشبو برنامه گه شرکت قیلگن کارآموزلر، خلق‌ارا موسسه‌لر مسئوللریدن یاش ییگیت‌لر و عایله‌لری نینگ سرپرستی بولگن عیال‌لر گه ایش زمینه‌سی نی فراهم قیلیش‌لری نی ایسته‌یدیلر.

مرتبط با این خبر:

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام