هرات بیلیم یورتی‌ده قیز طلبه‌لردن قطاری، کاج تعلیمی مرکزی گه اویوشتیریلگن هجوم گه قرشی عکس‌العمل کورستیب اعتراض بیلدیرگنلر.
مذکور طلبه‌لر، بوگون (یکشنبه، ۱۰-میزان) هرات بیلیم یورتی برابریده، «تعلیم حقی‌میز دیر»، «نسل کش‌لیککه چیک قویینگ» و «جیم‌توریش خیانت دیر» شعارلری نی ایتیب، تعلیمی مرکزلر گه هجوم توخته‌تیلیشی نی ایسته‌گنلر.
معترض‌لر نینگ ایتیش‌لریچه، هرات ولایتی دفتری تامان حرکت قیلگن‌لری پیتده، اسلامی امارت کوچلری هوایی اوق آتیش بیلن اولر گه توسیق بولگن و شونینگدیک قیزلردن قطاری نی کلتک‌لب و قولگه آلگن.
بیزلرنینگ فیسبوک صحیفه‌میزگه باش اورینگ!
معترض‌لر گه کوره، قولگه آلینگن قیزلر نینگ تقدیری‌دن حاضرگچه هیچ بیر خبر قولده یوق.
معترض‌لر کابل غربی‌ده کاج تعلیمی مرکزی گه اویوشتیریلگن هجوم‌دن نفرت‌لری نی بیلدیریشلری یانیده، اسلامی امارت و دنیا جماعه‌دن تعلیمی مرکزلر امنیتی تامین بولیب و افغانستان ده نسل‌کش‌لیک دوامی گه چیک قویلیشی نی ایسته‌گنلر.
اوشبو اعتراض گه اونلرچه طلبه شرکت قیلگن ایکن.
شونینگدیک اوتگن کون ۹-میزان عیال‌لر و کاج تعلیمی مرکزی‌ده‌گی قیز اوقووچیلردن قطاری، مذکور تعلیمی مرکز اوستیگه اویوشتیریلگن هجوم گه قرشی اعتراض بیلدیریب و دشت‌برچی سرک‌لری گه چیقگنلر.
اسلامی امارت خوفسیزلیک کوچلری، مذکور اعتراض نی هوایی اوق آتیش بیلن سرکوب قیلیب و شونینگدیک خبرچیلر گه اوشبو اعتراض‌دن پوشش بیریش اوچون رخصت بیرمه‌گنلر.
بیزلرنینگ توییترده هم تعقیب قیلینگ!
اولر «نسل‌کش‌لیک جنایت دیر، جیم توریش خیانت دیر»، «بیز بیرمیز، بیز بیلن قوشیلینگ» و «هزاره‌لر نسل‌کشلیگی نی توخته‌تینگ» شعارلری نی بیان قیلگنلر.
جمعه کون ایرتنگ چاغی کابل غربی‌ده کاج تعلیمی مرکزی گه اویوشتیریلگن خودکش هجوم‌ده، سونگی آمار اساسیده ۳۵ کیشی هلاک و ۸۲ کیشی ایسه یره‌لنگن.
ایتیلیشچه، اوشبو واقعه قربان‌لریدن کوپ قطاری نی قیزلر تشکیل بیره‌دی.
حاضرگچه اوشبو هجوم مسئولیتی نی هیچ کیم بوینیگه آلمه‌گن.
